أخبارمحكمة الأسرة اليوم
محكمة الأسرة.. سهى: رافض الطلاق من غير ما أتنازل
تواجدت «سهى» أمام محكمة الأسرة تبحث عن حل لمشكلتها مع زوجها الذي رفض أن يعطيها حريتها ويرعاها ويحميها مثل أي زوج، كان هذا الزواج الثاني لسهى الذي تمنت أن يعوضها عن خسارة زوجها الذي كان والد بناتها، ولم تتوقع أبدا أن يكون هو سبب تواجدها في محكمة الأسرة بعدما عاشت معه فترة زواج قاسية.
قصص محكمة الأسرة.. اتجوزت بعد وفاة جوزي بسنتين
بدأت «سهى» حديثها: «أنا متجوزة من 3 سنين، وجوزي كان الزوج التاني ليا بعد وفاة جوزي الول، اتجوزته بعد وفاته بسنتين ونص، جوزي الأول كان راجل كويس ومحترم تعب فجأة وبعد فترة اتوفى كنت مخلفة منه بنتين ولما مات بقيت انا وهما لوحدنا بس اهلي وأهله كانوا بيساعدوني على قد ما يقدروا».
حكايات محكمة الأسرة..جوزي كان بيصرف الأول وبعد كدة بطل
تابعت «سهى» حديثها قائلة: «جوزي التاني مخلفتش منه أولاد وتوقعت إنه يكون سندي وضهري في الدنيا بس كنت غلطانة، فضلت معاه 3 سنين بس، في أول الجواز كان بيصرف وماشي كويس مكنش بيشرب مخدرات وبيشتغل ومفيش حاجة بعد كدة بطل يصرف خالص وبقى مش عايز يشيل مسؤولية أي حاجة».
دعاوي محكمة الأسرة.. بيعمل معايا حجات أسوء من الضرب
أضافت الزوجة: « المشاكل معاه من زمان حاولت معاه كتير إنه يتعدل ويكون كويس لكن مفيش فايدة، كل مادى كان بيبقى أسوء لحد ما جبت بناتي الكبار يعيشوا جنبي واتضايق من قعدتهم، وبقى يعمل مشاكل أكتر وأكتر كان بيزعق ويشتم ويغلط وبيعمل حجات أسوء من الضرب، واكتشتف في الأخر إنه بيشرب مخدرات».
قضايا محكمة الأسرة.. عايز اتنازل عشان يطقلني
أنهت «سهى» حديثها قائلة: «لحد ما زهقت منه ولما عرفت انه بيشرب مخدرات طلبت منه الطلاق لكنه رفض، مش عايز يطلق ولا يديني فلوس عايز اتنازله عن المؤخر وحقوقي كلها عشان يطلق، واضطرني في الأخر إني أرفع قضية نفقة عشان أعرف أخد منه حقي ومش هطلق عشن متنازلش عن حاجة، هو عايزني اتنازل عن كل حاجة اللي جبته واللي هو جابه وده ميرضيش حد».
تابع أحدث الأخبار عبر
