أخبار محكمة الأسرة اليوم
محكمة الأسرة.. هنادي: بعد 25 سنة سابني واتجوز وحده قد بناته
كان سبب وصول هنادي لأبواب محكمة الأسرة هو الغدر والخيانة التي شهدتهم في حياتها بسبب زوجها الذي لم يقدرها أو يقدر سنين العشرة التي عاشوها سويا وترك كل هذا وراء ظهره من أجل نزوة وفتاة في عمر ابنته الكبرى ولم يسأل على زوجته أو بناته، وتركهم دون سؤال حتى اضطرت الزوجة أن تتوجه لمحكمة الأسرة حتى تحصل على حقوقها منه.
قصص محكمة الأسرة.. جوزي كان راجل كويس ومش بتاع مشاكل
قالت «هنادي» في بداية حديثها: «أنا اتجوزت من ٢٥ سنة ومخلفة من جوزي ٣ بنات، أنا وهو كنا قرايب من بعيد عرفنا بعض واتجوزنا وخلفت منه وهو كان راجل كويس ومش بتاع مشاكل، ومكفي مصاريف بيتي وبناته ومكنش في حاجة نشتكي منها».
حكايات محكمة الأسرة..بيتأخر بره البيت كتير
تابعت «هنادي» حديثها قائلة: «الدنيا كانت ماشية ومفيش مشاكل وكنت فاكرة الدنيا هتفضل كدة لكن كنت غلطانة كل حاجة اتغيرت من سنة تقريبا، بقى على طول يتأخر بره ويختفي فترة كبيرة ومعرفش هو فين ولما أكلمه يقولي مفيش وبيتأخر في الشغل، حاولت اصدقه لأن عمره ما كان بيكدب في حجات صغيرة كدة».
دعاوي محكمة الأسرة..جوزي اتجوز عيله في سن بنته الكبيرة
أضافت الزوجة:«لحد من قريب اختفى خالص ومكنتش عارفة مكانه ولا راح فين، سألت عليه قرايبه محدش رضي يقولي لحد ما عرفت من ناس إنه اتجوز وطلع في الأخر متجوز بنت واحدة جارتنا صغيرة جدا وفي سن بنتي الكبيرة».
قضايا محكمة الأسرة.. رفعت على جوزي قضية نفقة
كانت صدمة الزوجة كبيرة عندما اكتشفت أن زوجها تزوج عليها من أخرى وصدمة أخرى عندما علمت أنه تزوجها في سن ابنتها ولم يكفي الزوج خيانته لها بل تركها وحدها دون سؤال أو يصرف عليها وعلى بناتها ما يكفيهم.
أنهت «هنادي» حديثها قائلة: «اتجوز واحدة صغيرة عليا وأنا مكنتش أعرف ولما عرفت واجهته وقلتله قالي أه اتجوزت ومرضيش يطلقها، حاولت معاه إنه يسيبها ويرجع لبيته وعياله لكن مفيش فايدة معاه متغيرش ومرضيش يطلقها، وفضل سايب البيت ومبيصرفش عليا ولا على البنات ولا بيسأل، واضطريت أرفع عليه قضية نفقة».
تابع أحدث الأخبار عبر
