عصبي وميتعاشرش .. ندى لـ محكمة الأسرة: طردني في نص الليل
دعوى تمكين في محكمة الأسرة هي الأمل الأخير الذي تعلقت به “ندى حتى” تحصل على حياة طبيعية بعد حياة ملأها الألم والقهر مع زوجها، فقد تزوجت وكان حلمها أن تدخل القفص الذهبي مع فارس الأحلام، ظنت أن من اختارته سيحقق معها هذا الحلم؛ لكن اكتشفت من أول شهر زواج أنها كانت مخطئة في اختيارها وأنه لن يكون سندها في الدنيا بل سبب تعاستها في الدنيا، وظلت الزوجة تحاول أن تحصل على حقوقها من زوجها.
قصص محكمة الأسرة.. قرايب من بعيد ومسألناش عليه
قالت «ندى» في بداية حديثها عن محكمة الأسرة : «اتجوزت من 2017، كنا قرايب من بعيد واتجوزنا على طول لأننا كنا واثقين فيه وفي أهله أنهم ناس كويسة وده كان غلطي إني أنا وأهلي مسألناش عليه قبل الجواز واتجوزته على طول وخلفت منه ولد وبنت».
حكايات محكمة الأسرة.. أهلي بيقولوا حافظي على بيتك
تابعت «ندى» حديثها قائلة: «المشاكل مع جوزي بدأت من أول شهر جواز كان راجل عصبي وميتعاشرش وأنا استحملته عشان مخربش بيتي والناس تشمت فينا لأني اتطلقت واحنا كنا قرايب ومينفعش نطلق ونسيب بعض وأهلي كانوا بيمنعوني إني أطلق وبيقولوا حافظي على بيتك».
دعاوي محكمة الأسرة.. طردني بلبس البيت في نص الليل
أضافت الزوجة: «استحملت كتير كان بيكتفني و يفضل يضرب ويقرص ليا لحد ما يجرح لي جسمي ويشوهني في مرة ضربني و سحبني من رقبتي عاوز يخرجني من الشقة في نص الليل ويطردني بلبس البيت من ساعتها مشيت ومرضيتش ارجعله تاني بعد اللي عمله معايا وبهدلته ليا».
قضايا محكمة الأسرة.. رفعت قضية تمكين عشان حقي وحق ولادي
أنهت «ندى» حديثها أمام محكمة الأسرة قائلة: «من ساعة ما سيبته مرضيتش ارجعله تاني بعد اللي عملوا معايا بقيت أخاف اني اجتمع بيه في مكان واحد، وهو مسألش فينا من ساعة ما مشينا وطردنا من البيت وجيت المحكمة عشان أرفع عليه قضية من الشقة اللي طردني منها عشان أعرف أخد حقي وحق ولادي بعد ما طردنا في الشارع من غير سبب ».
تابع أحدث الأخبار عبر
