أخبار محكمة الأسرة اليوم
محكمة الأسرة .. طارق: اتهمتني بسرقة الدهب بعد ما اديتها حقها
كان طارق في محكمة الأسرة بعد ما أوصلته زوجته لهذه النهاية بسبب طمعها وكذبها ورغبتها في خراب بيتها، كان يرغب طارق أن يعيش حياة طبيعية مع زوجته التي أختارها أن تكون أم لأبنائه، ولكن لم يكن يعلم أنها ستختار أن تدمر بيتها وتكذب لتحصل على أموال زيادة منه بدون وجه حق، واضطر الزوج أن يصل لمحكمة الأسرة ليجد حل لمشكلته مع زوجته التي لم تصون العشرة.
قصص محكمة الأسرة.. كنت فاكر مراتي هتصوني لكن طلعت غلطان
قال «طارق» في بداية حديثه: «أنا عرفت مراتي عن طريق المعارف واتجوزنا وخلفت منها ولد وبنت، الأول كنت فاكرها طيبة وغلبانة وهتصون بيتها وولادها لكن كنت غلطان ومعرفش أنها هتعمل معايا كدة في الأخر».
حكايات محكمة الأسرة.. أهل مراتي مشجعينها على الخناقات
تابع «طارق» حديثه قائلا: «كان مفيش مشاكل في الأول وبيحصل بينا خلافات بس العادية وكانت بتعدي ولكن كل حاجة اتغيرت بعد كدة، بقت بتاعت مشاكل على طول وبتعمل مشاكل معايا بسبب ومن غير سبب كنت مش عارف هي بتعمل كدة ليه بس عرفت إن كل ده بسبب أهلها هما اللي مشجعينها على كدة».
دعاوي محكمة الأسرة.. خدت العيال ومرضيتش ترجع
أضاف الزوج لكلامه: «فضلت المشاكل بينا بسبب كل مادى بتكتر لحد في مرة خدت العيال ومشيت راحت عند أهلها ومن ساعتها مرجعتش تاني ولا رضيت حتى تخليني أكلمها هي والولاد عشان نحل المشكلة بينا وترجع، أخرتها رفعت عليا قضايا نفقة وقايمة بالدهب وخلتنا نيجي المحاكم وأنا مكنتش عايز كدة ».
قضايا محكمة الأسرة.. بتتهمني بسرقة الدهب
أنهى «طارق» حديثه قائلا: «أنا حضرت جلسة القايمة وشهدت وقتها إن دي القايمة بتاعت مراتي وبتوقيعي، بس القايمة مكنش مكتوب فيها الدهب ومكنش معايا لأنها خدته من أول ما سابت البيت وأنا مطلبتهاش بيه لأني قلت حقها، وبعد ما اتحكملها بالقايمة رفعت قضية أنها عايزة الدهب أو تمنه واتهمتني بسرقته وأنا مخدتش حاجة واديتها كل حقوقها، وجيت المحكمة عشان أعمل استئناف لأن مش معايا الدهب ولا معايا حقه وهي عايزة تخرب بيتي».
تابع أحدث الأخبار عبر
