عايشة في زمن الجاهلية.. سارة لـ محكمة الأسرة: مانع نتفرج على التليفون أو نفتح الثلاجة
كانت سارة في محكمة الأسرة تبحث عن حل للمشاكل التي سببها لها زوجها منذ زواجها منه، كانت سارة مثل أي بنت حلمت بالفستان الأبيض ودخول القفص الذهبي لكن حظها أن من اختارته شريك حياتها كان رجل بخيل لم يصونها ولكن أسقاها ألوان العذاب المختلفة، حتى اضطرت أن تتخلص منه عن طريق دعوى خلع ونفقة في محكمة الأسرة.
عايشة في زمن الجاهلية.. سارة لـ محكمة الأسرة: مانع نتفرج على التليفون أو نفتح الثلاجة
قصص محكمة الأسرة.. جوزي بخيل من زمان
بيحوش الفلوس واحنا مش لاقيين ناكل.. سارة لـ محكمة الأسرة: مانع نتفرج على التليفون أو نفتح الثلاجة
قالت «سارة» في بداية حديثها : «أنا اتجوزت من ٦ سنين أن وجوزي كنا منعرفش بعض قبل الجواز كان جواز صالونات الأقرايب بس كانوا عارفين بعض إنما أنا وهو لا اتجوزنا على طول وخلفت منه ولد وبنت وكان باين عليه في الأول انه بخيل بس متوقعتش انه يوصل للدرجادي».
حكايات محكمة الأسرة.. بيحوش الفلوس واحنا مش لاقيين ناكل
تابعت «سارة» حديثها قائلة: «المشاكل معاه بدأت من أول الجواز كان مبيصرفش خالص ولو بيصرف يبقى قليل جدا وميكفيش حاجة خالص، كان أهلي بيساعدوني وأهله بيدوني فلوس بس هو مفيش فايدة معاه، بيشتغل وبيجيب فلوس بس بيحوش ومبيصرفش كان بخيل جدا، بيشيل الفلوس واحنا مش لاقيين الأكل ».
دعاوي محكمة الأسرة.. استحملته عشان ولادي
أضافت الزوجة: «المشاكل زادت أكتر بعد ما خلفنا ومصاريف العيال زادت بس هو مكنش في باله وفضل مكمل في طريقته دي، كان صعب جدا مش بخيلينا نتفرج على التلفزيون، ولا نعمل اي حاجة من غير اذنه ولا نفتح التلاجة إلا بالإذن، استحملته عشان خاطر ولادي ميتبهدلوش ومخربش بيتي بس المشاكل كانت كتيرة ومقدرتش استحمل».
قضايا محكمة الأسرة.. رفعت قضية خلع ونفقة
أنهت «سارة» حديثها قائلة: «لحد ما حصل بينا أخر مشكلة كانت على الفلوس برضو وقتها ضربني عشان طلبت منه فلوس وسيبته ساعتها ومرجعتلوش تاني كانت أول وأخر مرة يمد ايده عليا، ولما طلبت منه الطلاق رفض عشان ميدنيش حاجة من حقوقي وقالي عندك المحاكم أنا مش هطلق، وجيت عشان ارفع قضية خلع ونفقة عشان أعرف أخد حقي منه أنا وولادي لأنه مبيسأش فيهم حتى من ساعة ما سيبته ».
