أخبار محكمة الأسرة اليوم
محكمة الأسرة .. هالة: طليقة ابني عايزة تحبسني بعد وفاته
كانت هالة في محكمة الأسرة وهي سنها كبير بسبب زوجة ابنها التي لم تقدر وفاة ابن هالة الوحيد بدل أن تقف بجانبها وتعينها على مصيبتها حرمتها الأم من حفيدها وطلبت منها فوق احتمالها حتى تصرف عليها وعلى ابنها وجعلت السيدة التي مازالت مقهورة على وفاة ابنها تتوجه لمحكمة الأسرة حتى تستطيع أن تجد حل للمشاكل التي أوقعتها فيها زوجة ابنها السابقة.
قصص محكمة الأسرة.. جوزنا ابني لجارتنا عشان وثقنا فيها هي واهلها
قالت «هالة» في بداية حديثها: «ابني اتجوز من 11 سنة مراته كانت جارتنا خطبنهاله عشان كنا عارفين أهلها وقولنا بنت ناس وكويسة ومحترمة وفي الأول كانت كويسة هي وأهلها ومفيش مشاكل وابني كان مرتاح معاها».
حكايات محكمة الأسرة.. مراتي ابني مشاكلها كتير
تابعت «هالة» حديثها قائلة: «المشاكل مع مرات ابني بدأت من زمان كانت مفيش حاجة عاجباها وعلى طول مصاريفها كتير وطلباتها أكتر، وشها الحقيقي بان بعد الجواز المشاكل كانت كل مادى بتزيد وأنا كنت بقول لإبني يستحمل عشان خاطر ابنه وميخربش بيته».
دعاوي محكمة الأسرة.. مرات ابني سابته في تعبه
أضافت الأم والدموع في عينيها: «لحد ما ابني تعب ومبقاش قادر يشتغل ومراته بدل ما تقف معاه سابته لأن مبقاش معاه فلوس كفاية يصرف عليها هي وابنها، بعدها ابني جه يقعد معايا لأنه كان محتاج حد يساعده وياخد باله منه، وبقيت أنا اللي أصرف على ابني وعلى ابنه ومراته قلت عشان خاطره، لحد ما المرض شد على ابني واتوفى وساب ابن يتيم لوحده ».
قضايا محكمة الأسرة.. اتحرمت من ابني وحفيدي
أنهت «هالة» حديثها قائلة: «لحد ما اضطريت أجي أرفع قضية إعلام وراثة لأن مرات ابني اللي اتوفى بقاله 3 سنين وهما متطلقين بقالهم 6 سنين، بصرف عليها كل شهر من ساعة ما ابني مات ولما كان عايش كنت أنا برضو اللي بصرف عليهم اتهمتني إني عليا فلوس متأخرة، جمعت المبلغ وقالت عايزة يإما الدفع يإما الحبس، دلوقتي واخدة مني حفيدي ومش بتخليني اشوفه حرمتني منه بعدما ربنا حرمني من ابني».
تابع أحدث الأخبار عبر
