محكمة الأسرة اليوم
محكمة الأسرة.. مريم في دعوى خلع: فهمني إنه يعرف ربنا وطلع مدمن
دعوى خلع شهدتها محكمة الأسرة من قبل مريم في أول سنة زواج لها بعدما تحطمت كل آمالها وأحلامها بسبب زوجها المدمن الذي كان السبب الرئيسي في دمار حياتها لذا فكانت محكمة الأسرة هي حلها الوحيد بعدما تأكدت أن هذه الحياة لا تمس للأحلام التي رسمتها بصلة لا من قريب أو من بعيد.
حكايات محكمة الأسرة.. فهمني إنه مفيش زيه
"كان مفهمني إنه مفيش زيه وطلع فعلا مفيش زيه في قلة ادبه"، هكذا بدأت مريم حكاياتها لقاضي محكمة الأسرة مؤكدة على حياتها البائسة التي تعيشها مع رجل مثله منذ أول أسبوع في زواجهما الذي حلمت أنه يكون سعيد يشتريه التفاهم، ولكن الذي حدث عكس ما توقعته تمام، استكملت باقي قصتها وتقول: "من واحنا في الخطوبة وهو مفهمني إنه مفيش زيه وكان راسم عليا دور الواد المحترم اللي يعرف ربنا، بس من أول أسبوع في الجواز ، وأنا شوفت حد تاني خالص قدامي، وكل حاجة أتغيرت من أسلوبه وتعامله وطريقته معايا".
قصص محكمة الأسرة.. طلع مدمن بعد ما كان مفهمني إنه يعرف ربنا
لم تدرك مريم ما السبب وراء هذا التغير ، ولكنها سريعا ما اكتشفت السر، تتابع قائلة: "مكنتش فاهمة هو اتحول كدا ليه بسرعة بس مفيش شهر ولا شهرين وعرفت إنه بيشرب مخدرات وكان بيشرب كمان من قبل ما نتجوز بس مكنش معرفني وكان مخبي عليا، بس خلاص كل حاجة بانت ورغم كدا أول لما عرفت قلت أصبر يمكن يتغير بس مستحملتش بصراحة بسبب ضربه فيا عمال على بطال".
قضايا محكمة الأسرة.. مريم في دعوى خلع
سريعا ما لجأت الزوجة إلى محكمة الأسرة بعد سنة واحدة فقط من الزواج بعدما أكتشفت إدمان زوجها المفرط الذي لم تتحمله سوى عام فقط، تستكمل: "قلت اصبر على نصيبي بس مقدرتش بصراحة عشان كنت عايشه مع طور هايج مبيتفاهمش ولا يعرف يعني اية الكلام براحة وكل تعامله معايا بالضرب بس"، أنهت رواياتها قائلة: "مقدرتش استحمل غير سنة واحدة بس وسبتله البيت ومشيت، واهلي طلبوا منه إنه يطلقني بالود بس هو موافقش عشان كدا رفعت عليه قضية خلع".
تابع أحدث الأخبار عبر
