محكمة الأسرة ومآسيها.. نورا: حاولت انتحر قبل كدا بسببه وقطعت شراييني

دعوى خلع شهدتها محكمة الأسرة من قبل نورا بعد معاناة عاشتها لمدة 12 عام بالكامل مع زوجها المدمن ، وكان قرار الانفصال حتمي بعد ما لاحظت تدهور حالتها النفسية ، ولكنها للانتحار أكثر من مرة لذا كانت محكمة الأسرة هي الحل المثالي لحل كل مشكلاتها.

حكايات محكمة الأسرة.. كنت فاكراها هيتغير بعد الجواز

كل محاولات نورا بأت بالفشل ووجدت حالها على أعتاب محكمة الأسرة تطلب الخلع والفرار من حياتها الزوجية مع رجل لا يهتم لأمرها وأمر أولاده، تستهل نورا رواياتها لقاضي محكمة الأسرة مؤكدة على المعاناة التي تعيشها مع رجل لا يرعى الله فيها، تابعت: "من ساعة ما اتجوزته وهو بيشرب مخدرات بس كنت بقول مسيره يتعدل ويبطل القرف للي بيشربه دا بس اللي كان بيحصل عكس كدا خالص وكان بيزيد في شربه لحد ما حظ بقل واحد تاني بمعنى الكلمة وبقى همجي وكل تعامله معايا ومع العيال بالضرب".

قصص محكمة الأسرة.. قطعت شرايني قبل كدا بسببه

صبرت وتحملت على حياتها لعل الأمور تتعدل في يوم من الأيام ولكن في الحقيقة لم يحدث أي شيء جديد سوى تدهور حالتها النفسية التي جعلتها تفكر في الانتحار أكثر من مرة، تستكمل نورا حكاياتها وتقول: "بوظ نفسيتي من كتر ضربه فيا انا والعيال وحياتنا اللي ملهاش أي معنى، صبرت كتير وحطيت في نفسي ومكنتش بطلب الطلاق عشان أحافظ على بيتي وعيالي بس هو مكنش بيفكر في اي حاجة غير مزاجه وبس"، تابعت قائلة: "فكرت في الانتحار قبل كدا كتير وجربت فعلا إني انتحر وخدت كل أدوية المهدئات اللي عندي بس لحقوني وودوني المستشفى على أخر لحظة، وقطعت شراييني قبل كدا برضوا بالمشرط عشان اخلص منه ومن قرفه".

قضايا محكمة الأسرة.. نورا في دعوى خلع

بعدما أدركت نورا مرحلة الخطر التي وصلت إليها بسبب زوجها، قررت اللجوء إلى محكمة الأسرة ورفع دعوى خلع بعد 12 عام من المعاناة، أنهت حكاياتها للقاضي قائلة: "خلاص جبت أخري بعد 12 سنة وهو برضوا متغيرش، ملقتش قدامي حل غير الخلع عشان أخلص منه وأفوق لعيالي".

تابع أحدث الأخبار عبر