محكمة الأسرة اليوم
محكمة الأسرة .. ولاء: مش راضي يصرف وعايزني أمشي البيت بالملاليم اللي بيسيبهالي
"أعتاب محكمة الأسرة".. كانت نهاية المشكلات الزوجية التي عانت منها ولاء في حياتها لأكثر من عشرة اعوام بالكامل مع زوج لا ينفق على أولاده وزوجته التي صبرت وتحملت معه كل ظروفه الصعبة وحاولت معه كثيرًا ولكن عندما وجدت انه لا يوجد أي فائدة لصبرها ومحاولاتها معه قررت اللجوء إلى محكمة الأسرة من خلل رفع دعوى نفقة.
قصص محكمة الأسرة.. بعد سنة ونص لقيت حد تاني معايا
تستهل ولاء حماياتها مع زوجها وتقول: "كان كويس معايا في أول الجواز وبيصرف عادي بس مطولش ولقيته بعد سنة ونص مش عايز يصرف ويا إما يسيبلي ملاليم يا إما ميسيبليش خالص، وعلى الحال دا بقالي عشر سنين"، أضافت ولاء: "سكت وعديت عشان احافظ على البيت واقول شوية ويتعدل بس مفيش أي حاجة بتتغير وهو لسة برضو زي ما هو".
حكايات محكمة الأسرة.. بقالي عشر سنين على الحال دا
تفاقمت المشكلات بينهما بسبب رفض الزوج الإنفاق عليها هي والأولاد، حتى بعد تدخل الأهل لإصلاح الوضع بينهما، تستكمل رواياتها قائلة: "فضلنا على النظام دا كتير وكل شوية خناقات بسبب المصاريف وهو برضو مبيتغيرش خالص، لسة بيسيبلي ملاليم وعايزني أمشي بيها البيت ولما أفكر أطلب منه زيادة ويقولي انتي مفترية"، تابعت: "صبرت سنة واتنين وتلاتة وأنا أقول خلاص هيتعدل ويفك إيده بس مفيش فايدة فيه خالص، وأنا مبقتش عارفة امشي الدنيا خالص بالملاليم اللي بيسيبلها دي".
قضايا محكمة الأسرة.. ولاء في دعوى نفقة
كانت دعوى النفقة هي الحل الأخير الذي قصدته ولاء لتتخلص من معاناتها مع زوجها الذي لا يريد الإنفاق أنهت ولاء حكايات لقاضي محكمة الأسرة قائلة: "مفيش حاجة جايبة معاه نتجية، ولا خناقات ولا كلام أهلي ولا أي حاجة، تعبت بقالي عشر سنين وأنا الحال دا معاه، وفي الأخر ملقتش حل قدامي غير ‘إني أرفع عليه قضية نفقة".
تابع أحدث الأخبار عبر
