«بيخوني من الخطوبة».. سماح في دعوى خلع: "اتجوز عليا واحدة من دور عياله"
وقفت سماح أمام محكمة الأسرة شاردة في سنوات عمرها الضائعة مع زوج خائن من بداية الزواج لا يرعى ربنا في زوجته وأولاده فلا يهتم بشيء سوى خياناته المتكررة الذي يوعد زوجته في كل مرة بأنه يلتفت لحالها هي والأولاد ولكن في كل مرة يعود لعادته حتى انتهى الأمر به في أخر مرة بالزواج من فتاة من سن بناته لا يتعدى عمرها الـ 17 عام، هنا كان قرار الانفصال هو الحل الوحيد.
18 عام عاشت سماح فيهم القهر المستمر بسبب خيانات الزوج المتعددة لها من بداية الزواج فكانت ليس لديها القدرة على اتخاذ قرار الانفصال من أجل أولادها ولكن عندما وصل الحال به للزواج بفتاة من سن ابنته، شعرت أنه يجب عليه اتخاذ خطوة الانفصال بدون تردد ما دفعها تلجأ لرفع دعوى خلع.
بيخوني من الخطوبة وكان عندي أمل إنه هيتغير بعد الجواز
استهلت سماح في رواية معاناتها وعلامات القهر على وجهها بسبب زوج لا يقدر العشرة قائلة: “اتخطبنا بعد قصة حب كبيرة بينا، وقعدنا في الخطوبة سنتين وكان كويس وكل حاجة تمام طول فترة الخطوبة، ب س في مرة قفشته بيخوني، وكنت عايزة افسخ الخطوبة بس رجعت قلت نزوة وتعدي”.
أضافت الزوجة: "اتجوزنا والمفروض اننا بنحب بعض بس اكتشفت غير كدا خالص لما بقت اقفشه بيخوني كل شوية مع واحدة في الأول كنت بعديها عشان أنا لسة في أول الجواز وقلت أكيد هيتغير بس بالعكس".
بعد خيانات الزوج المتكررة لها من أول الزواج كان كلها آمال فيه بالتغير ولكن في الحقيقة لا شيء يتغير بل يزداد في خيانته حتى وصل به الأمر بالزواج من فتاة في عمر ابنته التي لا تتجاوز الـ 17 عام، أكملت سماح قصتها: "عديت له كتير وكنت بقول بلاش الطلاق عشان عيالي، دا غير إن كل ما أقوله عايزه فلوس للعيل يقول مش معايا وهو داير يصرف فلوسه على الستات اللي كل شوية بيعرفها".
اتجوز واحدة من دور عياله
أضافت: "أنا كدا كدا كنت بشتغل عشان كدا لما كان بيقول لي مش معايا فلوس كنت بصرف أنا عليهم وخلاص وكنت ممشية الدنيا، بس أخر مرة هي اللي خلتني لازم اتطلق منه عشان لقيته جاي بيقولي أنا اتجوزت والصدمة الكبيرة إن لقيتها بنت مندور عياله متكملش 17 سنة".
كانت دعوى الخلع هي أخر وسيلة لها من أجل الخلاص بعد فشل كل محاو لاتها في التغاضي عن خياناتها المتكررة، ولكن زواجه من الفتاة الصغيرة كان السبب في الانفصال الحتمي، رفعت الزوجة دعوى خلع منذ 3 شهور ولا تزال القضة منظورة في المحكمة حتى الآن.
تابع أحدث الأخبار عبر
