أخبار محكمة الأسرة اليوم
محكمة الأسرة.. فاطمة: ابن جوزي اللي ربيته سلط عليا ناس عشان يطردني في الشارع
تواجدت «فاطمة» في محكمة الأسرة لتبحث عن حقوقها من ابن زوجها الذي استغل وفاة والده ليغدر بزوجة والده التي ربته واعتنت به منذ صغره ووفاة والدته وعاملته مثل ابنها ولكن ما وجدته منه هو الغدر ونكران الجميل، وبعد صدمة الأم في ابن زوجها الذي لم تتوقع أن يغدر بها ويسرق حقها ويحاول أن يطردها ومعها وأخواته، اضطرت أن تتوجه لمحكمة الأسرة لترفع دعوى إعلام وراثة حتى تحصل على ورثها من زوجها الذي تركه لها ولأبنائها.
قصص محكمة الأسرة.. عاملت ابن جوزي زي ابني بالظبط
قالت «فاطمة» في بداية حديثها: «أنا اتجوزت من زمان معايا من جوزي 3 ولاد وبنت، كنت الزوجة التانية لجوزي زوجته الأولى متوفية من قبل ما نتجوز وكان معاه ابنه الصغير لما اتجوزنا صعب عليا انا اللي ربيته مع ولادي وكبرته وعاملته زي عيالي بالظبط».
دعاوي محكمة الأسرة.. جوزي مات وسابنا من غير ضهر وسند
أكملت الزوجة حديثها: «مكنش في مشاكل مع جوزي كان راجل محترم وكويس ومفيش مشاكل منه، والحياة كانت عادية وطبيعية لحد ما جوزي اتوفى وسابني أنا وعيالي لوحدنا من غير ما يكون في حد جنبنا، بقيت أنا اللي مسؤولة عن ولادي ومصلحتهم ومصاريفهم لوحدي».
قضايا محكمة الأسرة.. ابن جوزي سلط عليا ناس يضربوني
تابعت «فاطمة» كلامها: «من ساعة وفاة جوزي والمشاكل بدأت وكانت كلها بسبب الورث، ابن جوزي أخد كل حاجة كان ليا أنا وولادي ورث شقة وعقارات اخدوا كل حاجة ومخدناش منهم ولا جنية، ابن جوزي مسابليش غير شقتي وكانوا بيطردني منها كل شوية، بعتلي ناس كتموا نفسي وضربوني عشان أخرج من البيت، بس مرضيتش اخرج من بيتي لأن مليش مكان تاني اروحه».
حكايات محكمة الأسرة.. الفلوس أحلوت في عين ابن جوزي
أنهت «فاطمة» حديثها وقالت: «من 2015 في المشاكل دي ومش عارفة أحلها ولا أخد حقي أنا وولادي، نزلت واشتغلت عشان اصرف على ولادي، ابن جوزي مكنش فيه مشاكل معاه قبل ما يتوفي جوزي لكن بعد ما مات بس الفلوس احلوت في عينه واضطرني أرفع قضايا إعلام وراثة».
تابع أحدث الأخبار عبر
