محكمة الأسرة اليوم
محكمة الأسرة.. مروة: ميعرفش حاجة عننا غير إنه بيصرف بس
قصدت مروة محكمة الأسرة ورفع دعوى طلاق بعد 5 سنوات من المعاناة التي عاشتها مع رجل لا يرعاها هي وابنهما الوحيد بحجة أن ليس الوقت الكافي لكي يهتم بهم، ما جعل المشكلات تتصاعد بسبب الموضوع ذاته حتى وصل إلى محكمة الأسرة في النهاية.
حكايات محكمة الأسرة.. كان حد تاني قبل الجواز
تبدأ مروة لقاضي محكمة الأسرة حكاياتها وأول ما أكدته عليه أنه تغير بعد الزواج لأنه كان شخص مختلف بكل المقاييس عن الرجل الذي تعيش معه في منزل واحدن استرجعت حياتها قبل الزواج قائلة: "كان بيعاملني أحسن معاملة ولو احتاجته في أي وقت بلاقيه قدامي على طول وكل اللي كان نفسي فيه بيعملهولي معرفش إيه اللي حصله بعد الجواز".
قصص محكمة الأسرة.. أول كام شهر كان كويس معايا
تغير الزوج في الشهور الأولى من الزواج بطريقة جعلت المشكلات تنشب بينهما، أكملت مروة: "يدوب أول كام شهر الدنيا كانت كويسة جدًا بس، بعدها لقيت واحد تاني خالص وبيتعامل معايا بطريقة غريبة مش فاهماها خالص"، تابعت: " كل ما أجي أقول البيت محتاج وحاجة، يقولي ماشي وبعدها ألاقيه مطنشني ومفيش أي حاجة بتحصل وبعدها يجي يقولي مش فاضي، قلت عادي مشاغل والدنيا مش متظبطة معاه في الشغل".
روايات محكمة الأسرة.. ميعرفش حاجة عننا غير إنه بيصرف بس
تمادت طريقته في الاستهتار خصوصًا بعد إنجابها ما جعل المشكلات تتفاقم وبدأت التفكير الجدي في الانفصال، تستكمل مروة قائلة: "كنت فاكرة لما أخلف الدنيا هتتظبط بينا وهو هيتغير ويهتم أكتر بيا أنا وابنه، بس محصلش أي حاجة جديدة خالص وهو برضو على نفس النظام، كل ما أجي أكلمه في حاجة تخص البيت أو ابننا يقولي مش فاضي ويسيبني ويمشي ويقولي مش أنا بصرف عليكي عايزة إيه، معرفش حاجة عننا غير إنه بيسيب لنا مصروف وبس غير كدا مش واخد باله مننا خالص"، أخر ما توسلت إليه مروة هي دعوى طلاق في محكمة الأسرة بعد ما سئمت من زوجها الذي لا يعرف عنها شيء هي وابنهما الوحيد.
تابع أحدث الأخبار عبر
