أخبار محكمة الأسرة
محكمة الأسرة .. سعاد: بتاع ستات واتجوز عليا عيلة في أول العشرينات
قصدت «سمية» محكمة الأسرة بعدما أدركت أنه الطريق الوحيد الذي سوف يساعدها في إنهاء حياتها الزوجية مع رجل خائن، هانت عليه العشرة فدمر أسرته وتزوج على زوجته وتركها هي وأبنائهم دون سؤال، عن طريق دعوى قررت الزوجة أن تتوجه لمحكمة الأسرة بعدما تحطمت كل أحلامها في أن يصبح زوجها رجل ملتزم ومسؤول عن حماية أسرته.
قصص محكمة الأسرة.. متجوزة من 18 سنة والحياة كانت ماشية
قالت «سعاد» في بداية حديثها: «أنا اتجوزت من 18 سنة معايا من جوزي 4 أولاد، كان جواز صالونات وكنا كويسين مع بعض مفيش مشاكل، كان هو اللي بيشتغل ويصرف وأنا قاعدة في البيت، كنا زي اتنين من متجوزين حتى الخلافات بينا كانت عادية وتتحل ومش كبيرة والحياة كانت ماشية كويس ».
حكايات محكمة الأسرة.. جوزي بتاع ستات من زمان
تابعت «سعاد» حديثها قائلة: «جوزي من زمان وهو راجل بتاع ستات وبيقعد يكلمهم ويهزر معاهم، بس أنا كنت بكبر دماغي عشان معملش مشاكل وولادي يتبهدلوا والبيت يتخرب، كنت على طول بشوفه بيكلم دي ويقف مع دي ولو قلتله مينفعش كدة يقولي هيبطل ويرجع لعمايله تاني لحد ما بقيت أنا أكبر دماغي».
دعاوي محكمة الأسرة.. اتجوز عليا عيلة في أول العشرينات
أضافت الزوجة متأثرة: «لحد من سنة تقريبا لقيت جوزي متغير جدًا، على طول بره وعلى طول ماشيك التليفون وعلى طول مش قاعد معانا، واللي زاد بقى مبقاش يصرف علينا زي الأول وكل لما اشتكى يقولي اعمل الظروف صعبة، مع انه عمره ما اشتكى من الفلوس قبل كده، لحد ما عرفت انه اتجوز واللي اتجوزها دي كان بيكلمها على النت قبل ما يتجوزها، وطلعت بنت عيلة في أول العشرينات، وفلوسه اللي ضايعة دي طلعت ضايعة عليها، لما عرفت كانت صدمة عليا معرفتش اعمل ايه ولما واجهته مأنكرش وسابلي البيت ومشفتوش تاني».
قضايا محكمة الأسرة.. مبيسألش في عياله عشان مراته الجديدة
أنهت «سعاد» حديثها قائلة: «حاولت كتير اني أكلمه وأرجعه عن اللي في دماغه وأعقله لكن مفيش فايدة معاه فضل مصمم ومش راضي يطلقها، وبقى مبيسألش على العيال خالص ولا بيصرف عليهم جنية واحد أو ياخد باله منهم، ولما اقوله طب شوف طلبات عيالك يقولي أنا مش فاضيلكم دلوقتي. لحد ما اضطريت أجي المحكمة عشان أرفع عليه قضية نفقة».
تابع أحدث الأخبار عبر
