أخبار محكمة الأسرة
محكمة الأسرة.. نادية: اتجوز على عفشي وبيقولي إذا كان عاجبك
دعوى تمكين في محكمة الأسرة رفعتها «نادية» على زوجها كمحاولة منها للحصول على حقوقها التي سرقها منها زوجها، مثل شقتها وعفشها الذي اخذهم منها و تزوج من سيدة أخرى وادخلها بيتها واعطاها الحق في استخدام كل ما هو ملك ل «نادية»، وفي النهاية طلق الزوج «نادية» غيابيا وتركها تتوجه لأعتاب محكمة الأسرة لتجد طريقة تحصل بها على حقوقها التي حرمت منها.
قصص محكمة الأسرة.. بعدي عشان الدنيا تمشي
قالت «نادية» في بداية حديثها: «أنا اتجوزت من 2017 معايا من جوزي بنوتة واحدة، كان جواز صالونات اتقدملي وسالنا عليه وطلع كويس واتجوزنا، هو كان بيشتغل برة مصر في أول الجواز مقدرش ياخدني معاه وكان بيسافر هو بس والموضع ده كان عامل مشاكل كتير بينا بس كنت بحلها على قد ما اقدر عشان الدنيا تمشي».
حكايات محكمة الأسرة.. لما قعدنا مع بعض الخلافات زادت
تابعت «نادية» حديثها قائلة: «في الوقت اللي جوزي كان بيسافر فيه كنت بروح عند أهلي وكنت وبرجع بيتي تاني لما هو يرجع في الإجازات، لحد ما بقيت اقدر اسافر معاه ولما سافرت وقعدت معاه كنت فاكرة خلافاتنا هتتحل لكن اللي حصل العكس خلافاتنا زادت أكتر وبقت لا تحتمل».
دعاوي محكمة الأسرة.. خد عفشي واتجوز عليا
أضافت الزوجة: «لحد اخر مرة نزلنا إجازة حصل بينا مشكلة كبيرة على سبب تافه وطلقني غيابي ورحت عند أهلي وقتها، ولما رحت بيتي عشان أخد حاجتي من شقتي لقيته اتجوز فيها وخد كل عفشي وقالي ملكيش حاجة عندي، كانت صدمة عليا ومكنتش عارفة اعمل ايه وقتها ».
قضايا محكمة الأسرة.. قالي روحي خدي حقك بالمحاكم
أنهت «نادية» حديثها قائلة: « حاولت كتير معاه أن نحل ودي ويديني حاجتي ومش عايزة منه حاجة بس لقيته بيقولي إجري في المحاكم خدي منها حقك والشقة دي بقت لمراتي التانيه انتي ملكيش حاجه عندي، جيت المحكمة عشان أرفع قضية تمكين عشان حقي أنا وبنتي بس مش عارفة اثبت أن دي الشقة اللي اتجوزت فيها لاني مقعدتش فيها كتير، وهو دلوقتي عايش فيها ومبيسالش في بنته خالص».
تابع أحدث الأخبار عبر
