أخبار محكمة الأسرة اليوم
حكايات محكمة الأسرة.. عامر: 50 ألف وشقة وعربية شروطها عشان تفضل معايا
كانت محكمة الأسرة هي النهاية التي وصل لها «عامر» باحثًا عن حقوقه وعن إيجاد حل لمشكلته مع زوجته التي أخذت منه كل حقوقها وحرمته من أبسط حقوقه في أن يحصل على حياة طبيعية وأسرة مستقرة، وتوجه لمحكمة الأسرة بحثًا عن حقوقه وأملًا أن يجد حل لمشكلته.
قصص محكمة الأسرة.. مراتي طماعة من زمان
قال «عامر» في بداية حديثه: «أنا ومراتي اتجوزنا من 11 سنة ومعانا 3 أولاد، طول عمرها طماعة ومفيش حاجة عاجباها وعلى طول عايزة حاجات كتير كنت بقول حقها ولو مطلبتش مني هتطلب من مين، كنت بحاول كتير إني معملش مشاكل وامشي الدنيا عشان خاطر ولادي».
حكايات محكمة الأسرة.. اختفت هي والعيال من غير سبب
تابع «عامر» حديثه وقال: «كنا في مشاكل كتير بسبب المصاريف وكنت بعدي ومتكلمش وعلى قد ما أقدر بعملها اللي هي عايزاه لكن هي مفيش حاجة عجباها، لحد في مرة ابني الصغير كان تعبان وانا كنت في الشغل وبعت اجيب علاج من الصيدلية يروح البيت ولما وصل محدش فتح الباب بعت اختي تحاسب الراجل، حاولت اتواصل مع مراتي معرفتش الاقيها ولما رجعت البيت ملقتهاش اختفت هي والعيال».
دعاوي محكمة الأسرة.. طلباتها عشان ترجع كانت غريبة ومستفزة
أكمل الزوج حديثه: «لما كلمتها قالتلي مش هرجع ولو عايز ترجعني تيجي تصالحني دمي فار لما سمعت كلامها بالذات انها مشيت من غير ما يحصل بينا أي مشكلة، سيبتها 3 أسابيع ومسالتش فيها لحد ما أهلي قالوا حرام العيال يتبهدلوا رحت اصالحها لقيتها بتقولي لو عايزني أرجع أنا عايزة 50 ألف جنية وعربية وشقة جديدة واحنا عندنا شقة وعربية وفلوسي هي فلوسها ومش بخيل عليها بحاجة هي طالبتني بالحجات دي طمع مش أكتر».
قضايا محكمة الأسرة.. خدت كل حقوقها ومش راضية تديني حقوقي
أنهى «عامر» حديثه وقال: «بقالنا 3 سنين في المحكمة رفعت عليا القضايا كلها وبدفع نفقة زوجية ونفقة صغار ومبشوفش عيالي، جيت أرفع قضية نشوز لأنها رافضة ترجع البيت مع إني بصرف عليهم هي خدت مني كل حقوقها ومش عايزة تديني أي حق من حقوقي».
تابع أحدث الأخبار عبر
