أخبار محكمة الأسرة
محكمة الأسرة .. محمد: مش مكفيها اللي بتاخده مني عايزة النفقة الزوجية بعد الطلاق
تواجد «محمد» في محكمة الأسرة وهو يبحث عن حق من الحقوق التي حرم منها بسبب القضايا التي رفعتها الزوجة عليه، بعد خلافات عديدة بين الزوج والزوجة بسبب ظروف الحياة الصعبة تم الانفصال بينهم بعدما رفعت الزوجة على زوجها دعوى طلاق للضرر لعدم صرفه عليها أو على أولادهم واستكملت الزوجة مسيرتها في محكمة الأسرة وكان هدفها تدمير حياة «محمد» حتى جعلت حياته صعبة ولم يتبقى له أي أموال لنفسه وكانت محكمة الأسرة هي ملجأه الأخير.
قضايا محكمة الأسرة.. أنا ومراتي كنا قرايب
قالت «محمد» في بداية حديثه: «أنا اتجوزت من 11 سنة مراتي كانت قريبتي اتقدمتلها واتجوزنا على طول كانت كويسة ومفيش منها مشاكل ومريحاني بس كل ده كان في الأول بس بعد كدة كل حاجة اتغيرت».
دعاوي محكمة الأسرة.. ظروفي على قدي
أكملت الزوج حديثه قائلا: «أنا موظف من زمان وظروفي على قدي بس كنت بقضي بيتي وولادي الظروف كانت صعبة بس على قد ما أقدر كنت بحاول، هي في الأول كانت معندهاش مشاكل والدنيا كانت ماشية».
قضايا محكمة الأسرة.. رفعت عليا قضية نفقة
تابع «محمد»: «المشكلة مع مراتي انها كانت بترمي ودانها للناس وبتخلي كلامهم يمشيها لحد مابقت العيشة مش عاجباها وعلى طول عايشين في مشاكل على المصاريف واني مش مكفي مهما عملت مكنش في حاجة عجباها لحد ما خدت الولاد ومسيت ورفعت عليا قضية نفقة».
حكايات محكمة الأسرة.. بتاخد النفقة الزوجية بعد الطلاق
أنهى «محمد» حديثه وقال: «الظروف كانت صعبة وهي مقدرتش تتحمل الانفصال حصل من سنتين ورفعت عليا قضية طلاق وقالت أنى مبصرفش واتطلقت وخدت كل حقوقها نفقة عدة وعفشها وكل حاجة ورفعت قضايا نفقة للعيال، وبقت تاخد مني النفقة غصب لكن اللي خلاني اجي المحكمة أنها لسه بتاخد النفقة الزوجية بعد ما اتطلقت مكنتش اعرف انها المفروض تقف ولما عرفت جيت عشان أوقفها ورفعت إبطال نفقة، أنا كنت بصرف النفقة الزوجية بقالي فترة وبصرف عليها هي والعيال وبديهم اللي محتاجينه بس كل ده مش مكفيها ولسه عايزة تاخد النفقة الزوجية ومتتنازلش عنها».
تابع أحدث الأخبار عبر
