أخبار محكمة الأسرة
محكمة الأسرة.. حنان: الواتساب فضحة طلع خاين من زمان
كانت الخيانة هي سبب تواجد «حنان» في محكمة الأسرة، مثل العديد من السيدات الآتي تعرضن للغدر من أزواجهن، كانت حياة حنان طبيعية مثل أي سيدة تعيش مع زوجها وتربي أبنائها ولكن صدمتها خيانة زوجها وجعلت من الصعب أن تكمل حياتها معه توجهت في النهاية لمحكمة الأسرة حتى تحصل على حريتها وعلى حقوقها التي حرمها زوجها الخائن منها، وكانت تحمل الأسى على ما مرت به في زواجها.
قصص محكمة الأسرة.. جواز عن حب متوقعتش تبقى دي نهايته
قالت «حنان» في بداية حديثها: «أنا اتجوزت من 2013 وخلفت من جوزي ولد وبنت، اتعرفنا على بعض في مكان شغل وحبينا بعض واتجوزنا على طول الحياة كانت تمام ومفيش مشاكل في الأول لكن بعد كدة كل حاجة اتغيرت».
حكايات محكمة الأسرة.. شكيت أن جوزي بيخوني بس مكنش معايا دليل
تابعت «حنان» كلامها وقالت: «الحياة كانت طبيعية بعد الجواز والخلفة، الدنيا كانت ماشية ومفيش مشاكل غير العادية وكانت بتتحل كلها، لحد ما جوزي فضل فترة متغير معايا مكنتش فاهمة في ايه بس كنت عارفة ان فيه حاجة غلط وشكيت أنه بيخوني بس مكنش معايا دليل».
دعاوي محكمة الأسرة.. الخلافات على الماديات من زمان
أضافت الزوجة: «الخلافات بينا كانت موجودة من زمان بس زادت أكتر في أخر كام سنة، كان بيبقى معظمها على المصاريف وانه مبيدنيش فلوس كفاية، لحد في مرة جوزي ساب تليفونه مفتوح وكان سايب الواتساب مفتوح وقتها شفت عليه حجات صعبة جدا وعرفت وقتها أن جوزي بيخوني لما شفت صور الستات اللي بعتينها له والكلام اللي بينه وبينهم من زمان».
قضايا محكمة الأسرة.. بيخوني من زمان وأنا معرفش
أنهت «حنان» كلامها وقالت: «اكتشفت وقتها أنه بيخوني من زمان وأنا معرفش، وسيبته وقتها على طول وخدت ولادي ومشيت كان معايا رسايل على التليفون اللي كانت على الواتساب ولما واجهته مأنكرش وطلبت منه الطلاق رفض وقالي هسيبك من غير طلاق ورفعت عليه قضايا طلاق للضرر وقضية نفقة عشان حق ولادي اللي مبيسألش عليهم وأعرف أخد حقوقي منه».
تابع أحدث الأخبار عبر
