أخبار محكمة الأسرة
محكمة الأسرة .. ولاء: المخدرات لحست دماغه وخلته مش عارف ولاده
كانت محكمة الأسرة نهاية «ولاء» مثل العديد من السيدات الاتي وصلت للمحكمة بسبب إدمان زوجها للمخدرات وجعل الحياة معه مستحيلة ومن الصعب أن تكمل معه بعد ما رأته منه، وبعد سنين من العذاب قررت الزوجة أن تنقذ نفسها وأولادها من مستقبل أسود مع زوجها مدمن المخدرات، وتوجهت لمحكمة الأسرة لتبحث عن مستقبل مشرق لأولادها بعديا عن والدهم الذي كان سيدمر حياتهم.
قصص محكمة الأسرة.. الحياة كانت طبيعية قبل المخدرات
قالت «ولاء» في بداية حديثها: «أنا اتجوزت من 8 سنين ومعايا من جوزي 3أولاد جوزي كان ابن عمي في أول الجواز كان تمام ومفيش مشاكل منه كان زي أي حد عادي، كان راجل كويس ومفيش مشاكل، وفجأة كل حاجة اتغيرت لما عرفت انه بيشرب مخدرات».
دعاوي محكمة الأسرة.. بدأ شرب مخدرات واحدة واحدة
أكملت الزوجة حديثها: «أنا وجوزي انفصلنا من سنة، اتطلقنا ودي عند المأذون وكان سبب الانفصال المخدرات، هو كان بيشرب مخدرات من زمان بقاله 4 سنين الأول مكنش بيشرب بعد كدة بقى يشرب بقاله 4 سنين، بدأ واحدة واحدة في الأول كان قليل وبعد كدة زاد في الأخر بقى طول الوقت بيشرب».
قضايا محكمة الأسرة.. دخلته مصحة يتعالج وخرج يشرب تاني
تابعت «ولاء»: «عرفت إنه بيشرب مخدرات لما شفته انه اتغير في معاملته وبقى واحد تاني، وكل مادى كان بيبقى أسوء حاولت معاه كتير انه يتعدل ومفيش فايدة، دخلته مصحة ونزلت اشتغل وصرفت أنا عليه وعلى علاجه وأول لما خرج رجع يشرب تاني، لقيت ان خلاص مفيش فايدة معاه وانه مبقاش في وعيه طول الوقت وبقى حتى مش عارف يميز عن عياله عن بعض، قررت ساعتها اسيبه ومرجعلوش تاني».
حكايات محكمة الأسرة.. معترضش على الطلاق لأنه مبقاش في وعيه
أنهت «ولاء» حديثها وقالت: «اتطلقنا ودي عند المأذون هو معترضش على الطلاق لأنه مبقاش في وعيه انه يعترض أصلا، هو أصلا بقى مش عارف ولاده ومش في وعيه وأنا سيبته عشان بقيت خايفة عليهم من مستقبلهم معاه ورفعت قضية النفقة عشانهم وعشان أخد حقهم».
تابع أحدث الأخبار عبر
