أخبار محكمة الأسرة
محكمة الأسرة وحكاياتها.. منال: باع عفش البيت بسبب مزاجه
18 عام في عش زوجية كانت نهايته الحتمية محكمة الأسرة من خلال رفع دعوى طلاق تطلب فيها ترك حياتها التي تشعر فيها بالتعاسة والحزن بسبب إدمان زوج الذي تمادى يوم بعد يوم، فكان نتيجة صبرها وتحملها هو دعوى طلاق في محكمة الأسرة بعدما سرق كل أغراض المنزل من أجل مزاجه.
قصص محكمة الأسرة .. اتجوزته وأنا عارفة إنه مدمن
تبدأ منال أولى كلماتها لقاضي المحكمة مؤكدة على التعاسة التي تعيش فيها من بداية الزواج تقريبًا بسبب شرب الزوج وإدمانه المفرط للمخدرات الذي كان سبب خراب عش الزوجية وتصاعد الأمور على محكمة الأسرة، تتابع: "اتجوزته وأنا عارفة إنه مدمن بس كنت بقول أكيد هيتغير بعد الجواز، بس مفيش أي حاجة اتغيرت، بالعكس كان بيزيد في القرف اللي بيشربه، زودا اللي كان مبوظ حياتنا".
حكايات محكمة الأسرة .. الدنيا باظت أكتر بعد الجواز
كان الأمل يعتريها بأن الأمور تصبح أفضل بعد الزواج ولكن الذي حدث عكس ذلك نهائيًا بل وتفاقمت الأمور حتى وصلت إلى محكمة الأسرة، تستكمل منال رواياتها وتقول: "من ساعة كما اتجوزته وهو معذبني بسبب المخدرات والحشيش اللي ميعرفش في حياته حاجة غيرهم، بحاو لمعاه كل السنين دي عشان يبطل ويركز معايا أنا والعيال ويسيبه من السكة اللي متجبس غير المشتاكل دي بس هو ولا همه أي حاجة وبرضوا مكمل".
محكمة الأسرة .. باع كل حاجة في البيت عشان المخدرات
تفاقمت المشكلات بسبب إدمان الزوج الذي يتمادى يوم بعد يوم وبدأ الزوج يسرق كل أغراض المنزل مكن أجل شراء مزاجه دون التفكير في أي شيء أخر، تابعت منال: "وضعه بقا صعب أوي وبقا يعمل أي حاجة عشان يجيب النفس حتى لو إيه، دا بقا يبيع تأي حاجة تيجي قدامه في البيت حتى العفش خده وباعه".
قضايا محكمة الأسرة .. منال في دعوى طلاق
بعد 18 عام على هذا الحال قررت التخلص من هذه الحياة ورفع دعوى طلاق، تنهي منال حديثها لقاضي المحكمة قائلة: "بعد ما عرفت إن مفيش فايدة فيه خالص، وأنا خلاص جبت أخري بعد 18 سنة معاه على الحال دا رفعت قضية طلاق عشان أخلص من القرف اللي أنا عايشة فيه دا"، ولا تزال الدعوى منظورة في المحكمة حتى الآن.
تابع أحدث الأخبار عبر
