أخبار محكمة الأسرة
محكمة الأسرة .. سمر: اتطردنا في الشارع عشان مش راضي يدفع الإيجار
لم يخطر على بال سمر انها تقصد محكمة الأسرة في يوم من الأيام وتقف امام زوجها في المحاكم بعد 10 سنوات من الزواج وتقييم دعوى نفقة بسب رفضه الإنفاق عليهم، فكان هذا السبب الأساسي التي تفاقمت بسببه المشكلات بينهما حتى وصلت إلى محكمة الأسرة.
حكايات محكمة الأسرة .. ماشي معايا بالمزاج
تبدأ سمر رواياتها لـ "الحادثة" قائلة: "كان كويس معايا في أول الجواز وبيصرف علينا كويس كما حتى بعد ما خلفنا كان بيعمل اللي يقدر عليه عشان يجيب للعيال كل الي نفسهم فيه"، تابعت: "بدأت يتغير معايا ومع العيال وأنا مشو فاهمة ليه وكل ما أقوله عايزة فلوس يقولي مش معايا، واعملي اللي تعمليه، بقا ماشي معايا بالدراع ويديني فلوس وقت ما هو عايز ولما ميكنش ليه مزاج ميسبليش جنيه".
أخبار محكمة الأسرة .. اتطردنا في الشارع بسببه
تفاقمت المشكلات بعد ما استمر الزوج على هذه الطريقة أكثر من سنة بالكامل وهو لم يراعي طلبات أولاده وزوجته، حتى أنه امتنع عن دفع إيجار المنزل ما أدى إلى طردهم في الشارع، تابعت سمر: "طبعًا المشكلات بينا كانت عمالة تزيد عشان مش راضي يصرف علينا حتى إيجار الشقة اللي احنا فيها بقاله ست شهور وكل ما صاحب البيت يجي عشان ياخد الإيجار يقوله اصبر عليهن وانا عارفة إنه معاه فلوس يدفع بس بيعند وخلاص".
قضايا محكمة الأسرة
تستكمل سمر رواياتها وتقول: "طبعا صاحب البيت فاض بيه ولما لقى إنه مش راضي يدفع وهو صبر عليه كتير، راح طردنا مكن الشقة لحد ما ندفع الفلوس اللي علينا، كنت فاكرة إنه هويدفعله عشان عياله ميترموش في الشارع بس ولا الهوا"، تابعت سمر قصتها بكل حزن قائلة: "قالي يلا روحي عند أمك انتي والعيال، انا مش هدفع فلوس إيجار، وبقالي 8 شهور عند أهلي وهو مفكرش يبعت جنيه ليا أو للعيال"
سمر في دعوى نفقة
اضطرت سمر أن تقصد محكمة الأسرة من أجل رفع دعوى نفقة بعد ما هانت على زوجها هي والأولاد تأخذ بها حقها وحق أولادها، تنهي رواياتها وتقول: "مكنتش عايزة المشاكل توصل لمحكمة الأسرة بس هو اللي اضطرني أعمل كدا، مكنتش متخيلة إني أهون عليه أنا والعيال بالطريقة دي عشان كدا رفعت عليه قضية نفقة بقالي شهرين"، ولا تزال دعوتها منظورة في محكمة الأسرة حتى الآن.
تابع أحدث الأخبار عبر
