أخبار محكمة الأسرة
محكمة الأسرة.. رجاء في إعلام وراثة: أهله مش راحمني عايش أو ميت
لم تتوقع «رجاء» أن محكمة الأسرة ستكون نهايتها بعد سنين الألم التي عاشتها مع زوجها، تحملته طيلة هذه السنين حتى لا ينخرب بيتها فتدمر نفسية أبنائها، وعندما توفي ظنت أنها تخلصت من مصدر مشاكلها، لكن أصبحت في يوم وليلة هي المسؤولة عن أبنائها وعن تعويضهم عما رأوه من أبيهم ، وجدت «رجاء» في مواجهة أهله الذين كانوا سببًا لخلافاتهما سنوات عديدة ليستغلوا وفاته حتى يكملوا على تدمير حياتها من بعد زوجها.
قصص محكمة الأسرة
قالت «رجاء» في بداية حديثها عن حياتها مع زوجها: «أنا متجوزة من 26 سنة، وخلفت من جوزي 4 أولاد، ولادي كبار وعايشين معايا، اتجوزنا جواز تقليدي، ومن بعد الجواز والخلفة الحياة كانت فيها مشاكل بس كنت بمشي الدنيا واعديها وأقول لنفسي البيوت كلها فيها مشاكل.»
حكايات محكمة الأسرة
أكملت «رجاء» حديثها عن معانتها مع زوجها: «جوزي كان راجل عصبي كان على طول بيتخانق معايا على أي حاجة، المشاكل كانت بتبقى على المصاريف أو البيت أو بسبب أهله، حاولت كتير معاه إنه يتعدل ويبقى كويس لكن مفيش فايدة، كنت بعدي وأقول كفاية أنه ومش مخلينا محتاجين حاجة ومكنش بيضربني لا أنا ولا العيال مشكلته العصبية بس استحملته سنين عشان كنت بحافظ علي بيتي وعلى عيالي، لحد من شهرين بس اتوفى.»
حكاوي محكمة الأسرة
تابعت «رجاء»: «أنا متجوزة في بيت عيلة من زمان، ومن ساعة ما اتجوزت في مشاكل بسبب بيت العيلة لكن برضوا كنت بعدي وأعمل نفسي مش سامعة شتيمتي عشان مخربش بيتي، أهله كان على طول بيعملوا مشاكل معايا وكانوا بيقوموا بيني أنا وجوزي وهو طبعا كان بيصدقهم، أول ما جوزي مات طردوني أنا وعيالي من شقتنا، ومبقاش ليا مكان أعد فيه أنا والعيال».
قضايا محكمة الأسرة،
أنهت «رجاء» حديثها: «طول حياتي عشت اتحملت جوزي واتحملت أهله ومشفتش منهم غير البهدلة، رحت بيت أهلي وقعدت فيه وبعد كده جيت محكمة الأسرة عشان أرفع قضية إعلام وراثة وأعرف أخد حقي منهم بعد سنين البهدلة».
تابع أحدث الأخبار عبر
