أخبار محكمة الأسرة
شايل فلوسه لنفسه.. علياء: دكتور وكسيب ومستخسر الجنيه في عياله
أصبحت محكمة الأسرة هي ملجأ الذي توجهت له «علياء» وهي تبحث عن حقوقها التي بخل زوجها عليها بها بالرغم من أنه متيسر ماديًا لكنه بخل على زوجته وعلى أبنائه ولم يعطيهم أي من حقوقهم أو يصرف عليهم ما يحتاجوه وبعدما فاض الكيل بالزوجة وبعد محاولاتها في إصلاح زواجها توجهت لمحكمة الأسرة حتى تنهي حياتها وتحصل على حقوقها.
قصص محكمة الأسرة.. عايشة في مشاكل بسبب المسؤولية
قالت «علياء»: «أنا اتجوزت من 11 سنة خلفت من جوزي ولدين، أنا دكتورة وهو دكتور، اتعرفنا على بعض عن طريق ناس صحابنا، في الأول كان كويس ومفيش مشاكل الدنيا كانت عادية، لكن بعد الخلفة والمسؤوليات المشاكل كل مادى كانت بتزيد ومبتقلش».
دعاوي محكمة الأسرة.. كل فلوسه لنفسه
تابعت «علياء»: «أنا وهو كنا بنشتغل وظروفه المادية كانت كويسة هو دكتور وكسيب وعنده عيادة بس كان مبيصرفش علينا خالص كل فلوسه لنفسه بس، كل ما اطلب منه حاجة يتهرب وميدفعش، لحد ما بقيت أنا اللي بصرف بس وهو مكبر دماغه عن عياله وبيته».
قضايا محكمة الأسرة.. أنا اللي بصرف وهو زي قلته
أكملت الزوجة حديثها: «بني أدم مش مسؤول كان الأول مش عايز يصرف على تعليم الأولاد، بعد كدة بقى مش عايز يصرف على أكل ولا شرب، بعد كدة مبيصرفش أي مصاريف، أنا اللي بصرف في كل حاجة عليه وعلى العيال، وهو زيه زي قلته، حاولت معاه كتير وكنا على طول في مشاكل وخناقات بسبب الموضوع ده، لحد ما قررت اني اسيبه و اصرف على اتنين بدل ما أنا بصرف على تلاتة».
حكاوي محكمة الأسرة.. بخيل على ولاده وشايل فلوسه لنفسه بس
أنهت «علياء» حديثها وقال: «سيبتله البيت وخدت ولادي ومن ساعتها مبيصرفش ولا بيسأل، واتطلقت منه بقضية خلع لأنه رفض يطلقني ودي، رفعت كل أنواع النفقات عشان يرضى يصرف علينا وبرضو مفيش فايدة مش عارفة اخد منه اللي يكفينا، فلوس النفقة قليلة ومش مكفية ومستخسر يصرف على ولاده المفروض ليا 11 ألف جنيه ومباخدش حاجة، حاولت معاه ودي وبالمحاكم وبرضو مفيش فايدة».
تابع أحدث الأخبار عبر
