أخبار محكمة الأسرة
محكمة الأسرة .. نوران بدعوى نفقة: بابا مش راضي يبعتلنا جنيه بقاله خمس سنين
قررت نوران أن تقصد محكمة الأسرة لتقييم دعوى نفقة ضد والدها الذي يرفض الإنفاق عليها بعد إتمام الطلاق بينه وبين والدتها منذ خمس سنوات، وبعد محاولات كثيرة معه لدفع مصروف شهري لها ولأشقاءها ولكنه رفض ما جعلها تقيم بنفسها دعوى ضده بحكم أنها وصلت للسن القانوني.
أخبار محكمة الأسرة .. بابا مش عايز يصرف علينا جنيه
بدأت نوران ذات العشرون عام حديثها لقاضي محكمة الأسرة مؤكدة على القسوة التي تشهدها من والدها الذي لا يريد إنفاق مليمًا واحد عليها هي وأشقاءها مضيفة: "من ساعة ما طلق ماما من 5 اسنين وهو ميعرفش عننا أي حاجة حتى لما بنقوله على مصاريف بيقول مليش دعوة خلي أمكوا هي اللي تصرف عليكوا مش هي اللي طلبت الطلاق خليها تتصرف".
قصص محكمة الأسرة .. مفيش قدامنا غير المحاكم
كررت نوران طلبها برغبتها في مصروفات شهرية لها ولأشقاءها من والدها ولكن رده كان صادم في كل مرة لها، استكملت وقالت: "طلبت منه مصاريف كتير وكل مرة كنت بقول يمكن ظروفه مش تمام الفترة دي بس هو كدا على طول مش راضي يدفع ولا جنيه واحد ليا أنا واخواتي، أخر مرة هي اللي صدمتني وفاجأتني وخلتني مبقتش مصدقة إن دا بابا"، تابعت نوران والدموع في عينيها: "ناس كتير قالوا لماما ترفع عليه قضية نفقة بعد الطلاق بس هي مكنتش بترضى عشان مش عايزة تعمل مشاكل وتدخل المحاكم بينا، وطلبت منه مرة واتنين وتلاتة وانا واخواتي طلبنا منا حتي بس هو مش راضي برضو عشان كدا مكنش فيه حل غير محكمة الأسرة اللي هتخليه يدفع غصب عنه".
نوران بدعوى نفقة في محكمة الأسرة
سئمت من تكرار طلبها للمصروف من والدها لذا انتظرت لتكمل سنها القانوني لتقييم دعوى نفقة ضد والدها، تابعت: "مشوفناش منه جنيه بقالنا خمس سنين أنا واخواتي، وكل ما حد يكلمه على فلوس يقول مش معايا مع إن مرتبه كويس جدًا ويكفي إنه يبعت لنا مصروف شهري كويس"، اختتمت نوران حكاياتها للقاضي: "ماما مكنتش راضية ترفع عليه قضية عشان كانت فاكرة غنه هيبعتلنا مصاريفنا من غير ما نطلب بس بقالنا خمس سنين على الحال دا وهو مش راضي يبعت جنيه، كملت العشرين من هنا ورفعت عليه قضية نفقة عشان اخد مصاريفي اللي مش عايز يدهالي واختي التانية برضو الأكبر مني رفعت قضية لنفسها".
تابع أحدث الأخبار عبر
