أخبار محكمة الأسرة
محكمة الأسرة... فاطمة: بعد 30 سنة في حضنه بيقول عليا شمال
وقفت «فاطمة» أمام محكمة الأسرة بدعوى خلع على زوجها الذي عاشت معه 30 عام وبنت معه أسرة وحياتها وشهدت معه مراحل عديدة في حياتها مثل ولادة أبنائها وزاوجهم وولادة أحفادها، ولكن لم يقدر الزوج سنين عشرتهم وأصبح يشك في سلوكها وأوصلتهم غيرته الغير مبررة وعدم تحمله لمسؤولية بيته لأبواب محكمة الأسرة والزوجة تحمل الأسى والألم على ما ضيعته من عمرها مع زوجها الذي ظنت أنه سيكون سندها.
قصص محكمة الأسرة
قالت «فاطمة» في بداية حديثها: «أنا اتجوزت من سنة 1994، عندي 6 أولاد منهم 3 أولاد و3 بنات وأنا جده عندي 5 أحفاد، أتجوزت من زمان جدا كنا قرايب وبنحب بعض، عيشت معاه سنين كتيرة وكان كويس ومفيش مشاكل، كنا زي اتنين عادي الدنيا كانت ماشية والحياة عادية».
حكايات محكمة الأسرة
تابعت «فاطمة» كلامها: «سايبه جوزي من 7 سنين لأنه بقى بيشك فيا وبيتهمني في شرفي من قريب مع إنه مكنش كده في الأول، بقى كدة من قريب بس مش عارفة ايه اللي حصله، حذرته كذا مرة إن مينفعش اللي بيعمله ده لكن مفيش فايدة معاه، عملت مشاكل كتير بسبب الموضوع ده احنا مينفعش بعد ما كبرنا في السن وولادي اتجوزوا يتقال عليا كدة».
دعاوي محكمة الأسرة
أكملت الزوجة: «جبتله أخواتي وأهلي عشان حد يقفله ويوقفه عند حده بس مفيش فايدة كل مرة يقول هيبطل عمايله دي ويرجع بعد كدة زي الأول تاني، كان طول الوقت يقولي رايحة فين وجاية منين ومبيخلنيش اروح في حته لوحدي ولو بتكلم في التليفون يسألني بتكلمي مين وبتعملي ايه».
قضايا محكمة الأسرة
أنهت «فاطمة» حديثها: «بقى مش عايز يطلق ولا يتعدل ويبطل يشك فيا، وبقى مش عايز يصرف ولا يشيل مسؤولية حاجة ولو اتكلمت وقلت حاجة يبهدلني ويهزقني، لحد ما بقى يقول عليا شمال وأنا ست كبرة ومتحملش الإهانة بعد عشرة السنين دي قررت وقتها أسيبه ومرجعلوش تاني ورفعت خلع لأنه مصمم ميطلقش وحتى ولادي قطعوا علاقتهم بيه لأنه خلاص بقى واحد تاني وتصرفاته دي محدش يستحملها».
تابع أحدث الأخبار عبر
