أخبار محكمة الأسرة
محكمة الأسرة...غالية: بيعاشرني بالعافية بقاله 10 سنين وبيتهمني إني بسحر له
كانت «غالية» أمام محكمة الأسرة تحمل آلام ووجع عاشته مع زوجها لسنين عديدة وحاولت الزوجة أن تتجاوز مشاكلها مع زوجها حتى لا تخرب بيتها ولا تدمر مستقبل أبنائها، ولكنها عاشت في معاناة بسبب علاقاتها مع زوجها، وبالرغم من صبر الزوجة على مشكلتها لكن ما وجدته من زوجها هو القسوة وقررت أن تتوجه لمحكمة الأسرة حتى تحصل على حريتها منه.
قصص محكمة الأسرة
بدأت «غالية» حديثها وقالت: «أنا اتجوزت من سنة 2000 خلفت من جوزي 5 أولاد، وسايبه جوزي من 2019 مشاكلي مع جوزي بدأت من ليلة دخلتي، وفضلت مكملة طول الفترة اللي عشنا فيها سوا، كان في بينا خلافات تخص العلاقة الزوجية بيني أنا وجوزي كان عنيف جدا معايا بخصوص الموضوع ده.»
حكايات محكمة الأسرة
أكملت الزوجة حديثها: «المشكلة فضلت مكملة معايا من أول يوم دخلت فيه البيت، معرفتش إن فيه مشكلة غير بعد 10 سنين جواز وانه اللي بيحصل معايا من جوزي ده مش الطبيعي، احنا عايشين في الأرياف وكل ما اشتكي انه بيتعامل معايا بعنف في العلاقة لأهلي يقولوا مفيش حاجة ويسكتوني وفهموني إن أي راجل بيبقى كدة.»
دعاوي محكمة الأسرة
تابعت «غالية»: «لحد ما الموضوع زاد عن حده وبقيت اتضايق منه ومن أسلوبه، طول السنين دي لفيت عند الدكاترة وعند الشيوخ عشان الاقي حل لكن مفيش فايدة، الموضوع كان عاملي أزمة في حياتي، وهو مكنش بيحله بالعكس هو كان بيجيب الغلط والمشكلة من عندي.»
قضايا محكمة الأسرة
أنهت «غالية» حديثها وقالت: «اللي خلاني اسيبه إن هو اتهمني إن امي بتعمله اعمال وبنسحرله سيبته ومقدرتش أكمل معاه لأنه كمل في كلامه ده وأنا زهقت منه، سيبت البيت ومرضيتش ارجعله تاني، اتجوز بعد ما سيبت البيت بـ 6 شهور وجاب مراته أعدها في بيتي لما عرفت رفعت عليه قضية تمكين وكسبتها وساعتها طلقني غيابي، المحكمة بعد كدة حكمت بأجر مسكن، ودلوقتي رافعة عليه قضية نفقة متعة وعدة ونفقة لبتني لأن هو مبيصرفش ولا بيسأل فيا أنا والعيال من ساعة ما سيبته.»
تابع أحدث الأخبار عبر
