أخبار محكمة الأسرة
محكمة الأسرة .. فدوى: راميني من غير طلاق عشان ميدفعش جنيه
توجهت «فدوى» لمحكمة الأسرة حتى تحصل على حقوقها التي حرمها منها زوجها في حياتها معه وبعد تركها له، وبعد معانتها لسنين معه وصلت لهذه النهاية حتى تبحث عن حلول، بعد سنين عاشتها معه يملأها الحزن والألم والقسوة، رفعت «فدوى» دعوى خلع ونفقة على زوجها الذي انفصلت عنه من سنتين، حتى تحصل على حقوقها المادية التي لم يعطيها لها يوما، ولم يعطيها حتى أبسط حقوقها ولم يطلقها بالمعروف وتركها تتوجه للمحاكم.
قصص محكمة الأسرة
قالت «فدوى» وهي على أبواب محكمة السرة ويملأ عينيها الحزن على ما وصل له شكل حياتها: «أنا متجوزة من 11 سنة خلفت من جوزي ولدين ، كان جواز صالونات زي أي جوازة، في الأول كان كويس ومفيش مشاكل لكن اتغير بعد الخلفة و بقى مش عايز يشيل مسؤولية ولا يصرف علي أنا والعيال.»
حكايات محكمة الأسرة
تابعت «فدوى»: «كان زي أغلب الرجالة دلوقتي مبيصرفش ومش مسؤول، وبيديني مصاريف الأكل والشرب على القد بس، أنا كنت بتصرف وبمشي الدنيا عشان الولاد ميتبهدلوش والدنيا تمشي، لكن هو كان مكنش بيقدر أي حاجة بعملها عشانه.»
حوادث محكمة الأسرة
مثل العديد من السيدات تحملت «فدوى» طباع زوجها الصعبة لسنين حتى تحافظ على حلم البيت والأسرة الذي كانت تحلم به لسنين عديدة، لكن ما وجدته في مقابل حياتها مع زوجها هو القسوة والقهر والتدخلات من أهل الزوج حتى أصبحت الحياة معه مستحيلة.
أضافت الزوجة: «أنا سيبت جوزي من سنتين، لكن أسباب كتير خلتنا ننفصل، غير طبعا أنه مكنش بيصرف علينا غير على القد، تدخلات اهله كانت كتيرة جدا كنت عايشة بعد اهله بشارعين يعني بعيدة عنهم بس كانوا بيتدخلوا في كل تفاصيل حياتنا، وهو كان بيضربني لما بيحصل بينا أي خلاف، كل ده خلاني مقدرش أكمل حياتي معاه خالص.»
قضايا محكمة الأسرة
أنهت «فدوى» حديثها والحسرة تملأ صوتها: «رافعة عليه قضية خلع ونفقة، لأننا يعتبر متطلقين احنا مش عايشين مع بعض بقالنا كتير وهو رامي عليا اليمين تلت مرات لكن مش راضي يطلقني عند المأذون عشان خاطر القايمة ومش عايز يدفع جنية في الطلاق، أنا عند اهلي بقالي كتير وهو محاولش يرجعني بعدما سيبته كانه ماصدق يخلص مني أنا والعيال.»
تابع أحدث الأخبار عبر
