«صاحبتي خطفت جوزي».. سمية في دعوى نفقة: بقينا مش لاقيين الأكل بعد تشريفها
عاشت «سمية» في حسرة كبيرة بعد اكتشافها أن زوجها تزوج عليها من صديقة عمرها، فلم تتوقع الخيانة من أقرب الناس إليها في الحياة (صديقتها ووالد أطفالها).
سمية في دعوى نفقة: بقينا مش لاقيين الأكل بعد تشريفها
كانت الدموع هي شريك «سمية» في وحدتها وهي أمام أعتاب محكمة الأسرة، فكان الحزن والحسرة يملئوا قلبها بسبب ما شهدته في حياتها، فاكتشفت الزوجة بالصدفة أن زوجها تزوج من سيدة أخرى وكانت صدمتها الأكبر عندما علمت أنه تزوج صديقة عمرها التي كانت تشكو لها خلافاتها مع زوجها، وكانوا هم السبب أنها تواجدت في محكمة الأسرة حتى تحصل على حقوقها التي منعها زوجها عنها.
زواج عن قصة حب
قالت سمية: «أنا اتجوزت من 8 سنين خلفت من جوزي ولد وبنت، اتعرفت عليه عن طريق ناس صحابي، اتعرفنا على بعض وحبينا بعض وبعد فترة اتجوزنا، الحياة كانت عادية وخلفت وكنا كويسين مع بعض».
خلافات بين الزوجين
تابعت سمية: «لحد ما المشاكل بدأت مع جوزي ومع الوقت كانت بتزيد كل مادى، كانت على المصاريف وحاجات تانية كتير، بس الدنيا كانت ماشية الخلافات زي اتنين متجوزين وبتتحل، كان ليا واحدة صاحبتي اعرفها من زمان وكنت بحكيلها المشاكل اللي بتحصل بيني وبين جوزي على أساس أنها صاحبتي وقلبها عليا».
جوزي اتجوز عليا صاحبتي
أكملت سمية: «جوزي كان بدأ يتغير وحسيت بيه زي أي ست ما بتحس أن جوزها متغير دورت وراه وعرفت من تبيفونه إنه اتجوز عليا، بس مكنتش أتوقع إنه اتجوز عليا صاحبتي اللي كنت بشتكيلها منه، ولما واجهته مأنكرش أنه متجوزها وقال مش هيطلقها».
بتغيظني إنها متجوزة جوزي
تابعت سمية والدموع في عينيها: «كانت صدمة كبيرة عليا ومعرفتش أعمل إيه وقتها بس مرضيتش أسيب جوزي عشان مخربش بيتي، وصاحبتي دي بقت بتكلمني عشان تغيظني وتعرفني إنهم سوا، وكلمتني تعزيني ساعة وفاة أبويا، بتقولي بمزاجك غصب عنك أنا واحدة من العيلة دلوقتي».
دعوى نفقة
أنهت سمية كلامها قائلة: «جوزي من بعد ما اتجوزها، مبقاش يصرف عليا أنا وولاده بقينا مش لاقيين الأكل عنده بيوت وعربيات، عشان كدة جيت أرفع قضية نفقة عليه»
تابع أحدث الأخبار عبر
