«القديمة تحلى لو كانت وحلة».. ثرية: بعد ما اتجوزنا مقدرش يستغنى عنها وبينفذ أوامرها
عندما تقدم لـ «ثرية» زوجها ليطلب منها الزواج كانت على علم أنها ستصبح زوجة ثانية لفترة مؤقتة، لكنها لم تكن تعلم أنه سيكذب عليها وأنها ليست فترة مؤقتة، ولم تكن تظن أن ممكن تكون نهايتها في محكمة الأسرة.
عاشت «ثرية» مع زوجها لمدة 3 سنوات فقط وحدث الانفصال بينهما، بسبب أن الزوجة الأولى التي رفضت أن تترك «ثرية» في حالها لتعيش حياة طبيعية مع زوجها.
فلم تكن «ثرية» تعلم حين تزوجت بنوايا الزوجة الأولى أو حتى تواجدها، حيث أكد لها زوجها أن علاقته معها منتهية، لكن بعد فترة اكتشفت أن كلامه كان كله كذب وأنه مازال مع زوجته ام أولاده، وعندما وجدت نفسها تعيش بمفردها لبعد زوجها عنها ورفضه طلبها في الحصول على أطفال قررت الانفصال، وعدها زوجها بالانفصال الودي لتكون صدمتها أنه كاذب في هذا أيضا، وتركها تلجأ لمحكمة الأسرة حتى تحصل على حريتها.
قبلت أكون زوجة ثانية
قالت ثرية:« أنا اتجوزت من 4 سنين وعيشت مع جوزي 3 سنوات بس، لما اتقدملي قالي إنه كان متجوز وعنده عيال، بس علاقته بمراته مش كويسة وخلاص هيطلقوا، اتجوزنا على الأساس ده ووافقت عليه وقلت ربنا كرمني براجل ياخد باله مني».
سابني أعيش لوحدي عشان يقعد مراته
تابعت ثرية:« بعد الجواز اكتشفت إن الكلام ده كله كان كدب وإنه مش هيطلق مراته ولا يسيب ولاده وه هو لسه قاعد معاها ومع عياله، ولما كلمته قالي رجعها عشان خاطر العيال مش هطلقها ولا هطلقك، بالرغم من إنه كدب عليا بس وافقت ومرضيتش اسيبه ورضيت بالوضع، بس هي مرضيتش كانت بتعمل معاه مشاكل عشان بيقعد معايا فبقى يسبني لوحدي ويروح يعد معاها.»
ضرتي بتقوم جوزي عليا
أكملت الزوجة:«كان عنده اولاد منها ومكتفي بيهم ومش عايزني اخلف ولما اقنعته وافق بس بعد كدة رفض وقالي عندي عيال مش هخلف تاني و شيلي الموضوع من دماغك خالص ومش هينفع، كان يومين هناك ويوم معايا، بقى بعد كدة بقى تحصل مشاكل كتير هي كانت بتقومه عليا وتخليه يتخانق معايا كانت عايزاه يطلقني ويعيش معاها هي، بقى مبيصرفش عليا خالص واتلكك عشان يعمل مشاكل كتير.»
دعوى نفقة
أضافت ثرية:«لحد ماجه في يوم قالي مش هينفع نكمل مع بعض وأنه عايز يطلقني، وافقت ساعتها ورحت عند أهلي على أساس إننا اتفقنا انه يطلقني ودي، لكن لما رحت عند بيت اهلي ورفض يديني حاجتي بعد ما اتفقنا، ومن ساعة مسيبته مصرفش عليا جنية، رفعت قضية نفقة، وهو دلوقتي رافض يطلق عند.»
تابع أحدث الأخبار عبر
