«بقى واحد همجي».. مروة بدعوى الطلاق: غز أخويا بالمطوة عشان دافع عني
مشكلات من بداية الزواج عانت منها مروة بسبب شخصية زوجها التي اكتشفتها في الشهور الأولى وتحوله من شخص حنون لشخص قاسي القلب معها متعجرف لا يتعامل معها إلا بالضرب، ما جعل المشكلات تتصاعد بينهما حتى وصل الأمر لمشاجرة بينه وبيت أشقائها انتهت بغز شقيقها بالمطوة، فكان هذا السبب الذي جعلها تسرع نحو محكمة الأسرة لرفع دعوى طلاق.
كنت مخدوعة فيه
لم تجد أي مبرر لتغيره معها في المعاملة وعندما بحثت وراء الأمر اكتشفت أنه اتجه لطريق المخدرات الذي كان السبب في تحول حياتها من قبل حتى أن تبدأ، تستهل مروة حديثها لقاضي المحكمة قائلة: “كان كويس معايا قبل الجواز، ولكن معرفش إيه اللي حصل بعد كدا، لقيت واحد تاني خالص معايا وأسلوبه اتغير معايا، كنت حاسة إني أو مرة اتعامل معاه وإني كنت مخدوعة فيه”.
أضافت الزوجة: "بقى واحد همجي بعد الجواز، وأنا معرفش إيه اللي حصل وليه اتغير أوي كدا، بس عرفت إنه السبب إنه بقى يشرب مخدرات وهو دا السبب اللي خلاه واحد تاني كدا وخليته مجنون وبيعاملني معاملة زي القرف".
بدأت المشكلات تتصاعد حتى تمكنت من حياتهما الزوجية وبدأ الأهل يتدخل بينهما لحل الأمور، وعندما وجدت أن المشكلات تصاعدت بطريقة مبالغ فيها قررت رفع دعوى طلاق.
تستكمل الزوجة رواياتها قائلة: “بقيت عايشة في مشاكل بس، عشان القرف اللي بيشربه دا يخليه مش في وعيه ولا عارف هو بيعمل إيه، أهلي اتدخلوا بينا كتير واخواتي اتكلموا معاه كذا مرة وهو برضو بيرجع للقرف دا”.
تابعت: "كنت بعدي كتير عشان احافظ على البيت والمشاكل متكترش، بس لما كان بيلاقيني سكت بيزود في ىضربه وقلة أدبه، أخر مرة دي كمقدرتش اعديها ورفعت عليه قضية طلاق على طول".
غز أخويا بالمطوة عشان بيدافع عني
تمادت المشكلات ما جعل الزوجة تتوجه نحو محكمة الأسرة لرفع دعوى طلاق تنقذها من حياتها التعيسة مع زوجها الذي كان السبب في ضرب شقيقها بالمطوة نتيجة دفاعه عنها.
أنهت رواياتها قائلة: "كل شوية بغضب عن أهلي بسبب، وأخر مرة دي لقيت جاي البيت وعمال يزعق فيا وفي اخواتي وكان عايز ياخدني بالعافية وأخويا بيدافع عني راح غزه بالمطوة بس الحمدلله ربنا ستر وجت سليمة، تاني يوم رفعت عليه قضية طلاق عشان مضمنش المرة الجاية هيعمل إيه فيا ولا في إخواتي"
تابع أحدث الأخبار عبر
