«وشه يقطع الخميرة من البيت».. سهى دعوى طلاق: جاب للعيال اكتئاب بسبب نكده
سنوات طويلة من المعاملة القاسية من زوج غليظ القلب على زوجته وأولاده الثلاثة، حاولت الزوجة أن تحنن قلبه على أبنائه ولكنه لا ما زال مستمر في معاملته، مر عام وراء عام ولا يجد أي جديد في حياتهم التي يعتريها الغم والهم، قررت الزوجة أن تتخلص من حياتها وتلجأ للقضاء ليساندها في قرارها بعد إقامتها لـ دعوى طلاق.
منكد عليا من ساعة ما اتجوزته
"من ساعة ما اتجوزته وهو على طول منكد عليا أنا والعيال ليل ونهار" هذا أول ما بدأت به سهى حديثها تروي قصتها مؤكدة على معاناتها لسنوات طويلة بسبب زوج عابس الوجد دائمًا، تتابع الحديث: "في الخطوبة مكنش كدا خالص وشخصيته كان على طول بيضحك ويهزر ومبيتعصبش على أي حاجة ومتفاهم وياخد ويدي معايا كدا في الكلام بس مش عارفة لإيه اللي حصل من ساعة ما اتجوزنا".
أضافت: "من أول أسبوع في الجواز وأنا لقيت واحد تاني معايا، بيتعصب على أي حاجة حتى لو تافهة، وخناقات بالهبل كل يوم بسبب الموضوع دا بس هو برضو زي ما هو، فكرت في الطلاق الأول بس قلت بلاش، بالذات بعد ما حملت قلت أكيد هيتغير لما أخلف عيال وأسلوبه معاهم هيختلف".
جاب للعيال اكتئاب بسبب نكده
ظنت الزوجة أن معاملته مع الأولاد تختلف ولكنها مخطئة لأن أسلوبه ومعاملته معهم تتميز بالقسوة التي حاولت الزوجة أن تغيرها مرات عديدة ولكنها تفشل في كل مرة، تستكمل قصتها: “كنت غلطانة عشان مطلع عين العيال هي كمان وعلى طول زعيق وضرب وخناق على كل حاجة، كلمته كتير قلت له بلاش تتعامل مع العيال بالشك دا عشن هيكرهوك بس هو مبيسمعش الكلام خالص بالعكس أسلوبه بيزيد ليهم”.
تختم سهى حديثها قائلة: "بقالي 16 سنة أنا والعيال مش عارفين نعيش حياة طبيعية بسبب أسلوبه اللي زي الزفت معانا، مقدرتش استحمل أكتر من دا بصراحة خصوصًا إنه جاب للعيال إكتئاب بسبب معاملته ليهم"، كانت دعوى الطلاق هي الأمل التي استنجدت به سهى لينقذها من حياتها الكئيبة التي تعاني منها هي وأولادها.
تابع أحدث الأخبار عبر
