«فكرته موسى طلع فرعون».. إسراء في دعوى طلاق: بيقل أدبه وأوقات بيضربني
لم تكمل "إسراء" عامها الثاني في عش الزوجية الذي ظنت أنه يمتلئ بالسعادة والحب، وكانت المفاجأة أنه لا تنال من السعادة إلا فترة قصيرة فقط وتلقت بعد ذلك معاملة لم تأتي في بالها قط، أسلوب قاسي ومعاملة جافة نالتها خلال فترة الزواج، حاولت أن تتغاضى لتساير أمورها ولكنها لم تقدر العيش بهذه الطريقة أكثر من ذلك ما جعلها تخطو خطواتها نحو محكمة الأسرة لـ رفع دعوى طلاق.
كنت فاكرة حياتنا هتبقى بمبي
تستهل إسراء حديثها لقاضي المحكمة وتقول: "أعرفه من واحنا صغيرين عشان كنا جيران بس مكناش بنتكلم تقريبًا بس لما كبرنا ودخلنا الكلية بقا لينا كلام مع بعض واتعرفنا على بعض وحبينا بعض في فترة قليلة جدًا"، أضافت: "لما اتخرجنا جه أتقدم لي وعملنا الخطوبة وقعدنا سنة ونص مخطوبين، بعدها اتجوزنا وكنت فاركة الحياة هتبقى بمبي بس مطلعتش زي ما أنا فاكرة خالص، هو نفسه مطلعش زي ما كنت فاكرة ولقيت واحد تاني خالص أكني لسة بعرفه من أول وجديد".
بقى يقل أدبه عليا
حياة مليئة بالأزهار رسمتها "إسراء" في خيالها عن الحياة التي ترغب أن تعيشها مع حب حياتها في عش زوجية سعيد ومستقر ولكن أوقات كثيرة تأتي الرياح بما لا يشتهي السفن.
تستكمل الزوجة: “أول سنتين في الجواز كانت الحياة ماشية تمام ومفيش مشاكل، كان بيبقى الخلافات العادية البسيطة دي بس مكنش بيزعلني خالص، بعد السنتين دول معرفش إيه اللي حصل لقيت واحد تاني بيقل أدبه عليا وأوقات بيضربني كمان”.
أضافت: "اتخانقنا وكل مشكلة بتحصل كان بيوعدني إنه هيتغير بس مفيش أي حاجة بتتغير بالعكس كان بيزيد في قلة أدبه معايا".
رفع دعوى طلاق
خلافات ومشكلات حاولت أن تتغاضى عنها "إسراء" ولكنها لم تقدر على تحمل هذا الأسلوب أكثر من ذلك، تتابع الزوجة قائلة: "لما لقيت مفيش حاجة بتتغير مقدرتش استحمل أكتر من كدا وطلبت منه الطلاق بس هو مصمم ميطلقش خالص"، رفضه هذا جعلها تلجأ لـ محكمة الأسرة لرفع دعوى طلاق منذ 6 شهور، ولا تزال الدعوى منظورة في المحكمة حتى الآن.
تابع أحدث الأخبار عبر
