«متهنتش 6 شهور على بعض».. ياسمين: نزلني اشتغل واحنا لسه في شهر العسل
تمنت “ياسمين” أن تعيش حياة سعيدة مستقرة في عش الزوجية مع الرجل الذي اختاره قلبها، ولكن مع أول شهر في الزواج هُدمت كل أحلامها وأصبحت أمانيها أن تترك حياتها الزوجية بعدما زينتها المشاجرات بسبب إصرار الزوج على نزولها للعمل في الشهر الأول، فكان هذا السبب الذي جعلها تلجأ لمحكمة الاسرة من أجل رفع دعوى طلاق.
"كنت فاكرة هيعيشني ملكة لما نتجوز مكنتش اعرف إنه هيمرمطني كدا" هذه العبارة بدأت الزوجة رواياتها لقاضي المحكمة مؤكدة على المعاناة التي تعيش فيها من بداية الزواج مع الرجل الذي ظنته أنه سيكون شريك حياتها وسندها في حياتها، تستكمل باقي تفاصيل قصتها قائلة: "في الخطوبة كان بيعاملني أحسن معاملة ولا عمره زعلني ولا أي حاجة، وكان بيعمل لي كل اللي انا عايزاه على طول، وأهلي كانوا بيحبوه جدًا".
كنت فاكرة هنعيش حياة زي الأفلام
"بنت ياسمين توقعات وأحلام وردية في منزل الزوجية مع حب عمرها ، ولكن الواقع المرير الذي واجهته معه من الشهر الأول جعلها تريد الفرار من هذه الحياة، تابعت: "متجوزين عن قصة حب المفروض، هو جارنا أصلا من زمان بس مكناش بنتكلم بس بدأنا نتكلم ونتعرف على بعض وحبينا بعض، اتخطبنا سنتين ونص وطول فترة الخوبة وهو كويس معايا جدًا، وقلت بقا هنعيش أحلى حياة بعد الجواز بس أول شهر ثبت لي عكس كدا خالص"، تستكمل ياسمين باقي رواياتها قائلة: "اتجوزنا وهو يدوب أول أسبوعين كان كويس معايا وبيعاملني كويس وكل حاجة تمام، وكنت اسعد واحدة إني اتجوزت اللي بحبه وكنت فاكرة إن حياتنا هتبقى زي الفل وهنعيش حياة زي اللي بنشوفها في الأفلام كدا عشان بنحب بعض".
نزلني اشتغل واحنا لسه في شهر العسل
تحولت قصة الحب الذي عاشتها طوال فترة الخطوبة لتعاسة بعد أول شهر من الزواج بعد ما فاجأها الزوج بأن يجب عليها النزول للعمل، تضيف ياسمين حديثها قائلة: "قال لي هتنزلي تشتغلي واحنا لسه في شهر العسل، كنت بحسبه بيهزر ، نزلت عشان اسمع كلامه وعشان معملش مشاكل بس مقدرتش استحمل الحياة دي، ونزلت الشغل كام شهر بس وبعدها قلت له مش نازلة وضربني ساعتها وكنت هموت في إيده"، انهت رواياتها: "سبت البيت وطلبت منه الطلاق بس موافقش، رفعت عليه قضية طلاق بعد 6 شهور من الجواز بس ملحقتش اتهنى بحاجة".
تابع أحدث الأخبار عبر
