أمنية في دعوى طلاق: عايزني أسقط عشان ميصرفش جنيه زيادة
علمت "أمنية" أن تجربتها في الزواج فشلت في الشهور الأولى بعد ما أصر الزوج على إجهاضها حتى لا ينفق جنيهًا زيادة، وعندما زادت المشكلات بينهما على هذا الموضوع تمسكت بالجنين وأدركت أن الانفصال أهون لها من أن تجهض طفلها، ما جعلها تتوجه لمحكمة الأسرة رفع قضية الطلاق ضده دون تردد.
مطلع عيني على مصاريف البيت
"مش عايز يصرف جنيه على بيته وابنه" هكذا بدأت أمنية قصتها مؤكدة على معاناتها التي تعيشها مع زوج لا يريد إنفاق مليمًا واحدًا عليها هي وابنه الصغير، تابعت قائلة: "كنت فاكرة هيعيشني ملكة بسبب معاملته ليا في الخطوبة، بس الحقيقة اخدت الصدمة فيه من أول أسبوع ولقيت معاملة مختلفة خالص عن اللي كان بيعاملهالي في الخطوبة، بس كنت بقول اكيد عشان لسة في الأول ولسة مش فاهمين بعض"، أضافت: "دا غير بقا خناقاتنا على المصاريف بسبب إنه مش عايز يسيب لي أي فلوس أعمل اكل اوأجيب بيها أي حاجة أنا عايزاها، كنت لما باجي أ كلمه على حكاية المصاريف دي كان يقول لي هي دي مقدرتي إذا كان عاجبك".
كان عايز يسقطني عشان ميصرفش
تحملت الزوجة معاملته ولم تخبر أحد لعله يتغير بعد إنجابها للأطفال، ولكن الوضع زاد سوءً بمجرد معرفته بحملها، وأكملت باقي تفاصيل قصتها قائلة: "كنت فاكرة إني لما اخلف هيبقى حنين وهيصرف على ابنه بس الحقيق من ساعة ما عرف إني حامل وهو مش مبسوط وكان عايزني اسقطه عشان ميصرفش علي العيل اللي جاي دا"، تستكمل: "أنا صممت إني مسقطهوش وكانت كل الخناقات بينا على الموضوع دا لحد ما زهقت، سبت البيت وطلبت منه الطلاق طالما هومش عايز عيال، بس اهله اتدخلوا وحاولوا يقنعوه بالموضوع، ولما رجعت قلت طريقته هتتغير بس المشاكل كترت أوي بسبب نفس الموضوع وإنه مش عايز يجيب عيال عشان ميصرفش عليهم".
احتارت الزوجة في التفكير وعندما وضعت زوجها وجنينها في مقارنة ووجدت أنها تنفصل أهون لها من أن تصغى لحديث زوجها الذي ليس له معني وتقوم بإجهاض ابنها، انهت رواياتها: "فكرت في كلام جوزي وإني ممكن أسقط اللي بطني بس مقدرتش خالص ولقيت إني اتطلق أحسن لي بكتير من إني أسقط، ولما لقيت الموضوع اتعقد أكتر رفعت عليه قضية طلاق".
تابع أحدث الأخبار عبر
