هدى في محكمة الأسرة: مش عايز يصرف جنيه عشان صحة بناته
ظنت «هدى» أن بعد طلاقها من زوجها ستحل كل مشاكلها معه ولن يكون هناك أي ضرر يعود عليها منه، ولن يطولها إهماله لها وعدم مقدرته على تحمل المسؤولية لكنها كانت مخطئة فوصلت في النهاية لمحكمة الأسرة حتى تحصل على أبسط حقوق بناتها.
تزوجت «هدى» وانجبت طفلتين تؤام من زوجها وكانت معانتها مع زوجها بسبب مصاريفه القليلة عليها وعلى بناتها، وفوق معانتها معه كان أهل زوجها معاملتهم سيئة ولا يوجد فيها احترام أو تقدير لها، حتى تطلقت منه بقضية طلاق للضرر وبعد سنين مازال زوجها سبب ألم في حياتها هي وبناتها وسبب تواجدها في محكمة الأسرة ولازالت تحاول أن تحصل منه على حقوقها هي وبناتها المرضى الذين في حاجة لأموال لعلاجهم.
منفصلين بقالنا 11 سنة
قالت «هدى»: أنا وجوزي منفصلين بقالنا ١١ سنة اتطلقت بطلاق للضرر كان بيديني ١٥٠ في الشهر ومبيصرفش، اتحملته عشان خاطر بناتي لكن امه كانت بتتخانق وتبهدلني هي واخته كانوا هما سبب للمشاكل كلها مكنتش قادرة اتحملهم ولا اتحمل عمايلهم.
مش بيسأل في بناته
تابعت «هدى»: من ساعة الطلاق وهو بيصرف النفقة بس، وهو مرتبه وصل لـ ٥٠ الف جنية، وشغله موفره تامين وعلاج لولاده مش خيطلفه جنية ولا هيدفع حاجة بناتي الاتنين عيانين ومش راضي يساعدني في علاجهم بناتي الاتنين واحده عندها مرض في الصدر وواحدة محتاجة عملية ب ١٥ الف جنية في رجلها.
مش راضي يعالج بناته
أضافت «هدى»: ماضي عقد متكلف بمصاريف بناته من بعد الطلاق وبعد ما مضينا العقد ملتزمش مش راضي يديني حاجة عشان علاج ولاده عند معايا ولا راضي يصرف على البنات مع انها حاجة مش ليا دي حاجة عشان خاطر ولاده
دعوى نفقة
أنهت «هدى» كلامها: انه مش عايز يصرف عليهم ده كان من أسباب طلاقي منه من الأول انه مكنش متحمل اي مسؤولية ومش عايز يصرف، كان بياكل برة البيت ومش مهم في اكل في البيت لينا ولا لا، ودلوقتي رافعة عليه قضية نفقة عشان أهم حاجة عندي صحة بناتي.
تابع أحدث الأخبار عبر
