«ميعرفش حاجة عن الحنية».. عفاف: جوزي محرج على العيال حد يحضنه أو يبوسه
أب لا يعرف شيء عن الحنية والاحتواء فكل معاملته جافة قاسية على زوجته وأولاده، بذلت عفاف أقصي جهدها تحاول تغيير شكل الحياة ولكن تصرفات الزوج كانت تهدم أي محاولات تقدمها الزوجة، بعدما وجدت الزوجة ان حياتها على وشك الانهيار قررت الإسراع نحو محكمة الاسرة لإقامة دعوى طلاق تنقذها هي وأولادها من معاناتهم معه.
لو حد من العيال فكر يحضنه بيديله بالشلوط
"بخيل في كل حاجة حتى حنيته على العيال" بهذه العبارة بدأت الزوجة حديثها مؤكدة على بخل زوجها في كل شي حتى في حنيته على أولاده، أضافت: “ميعرفش يعني ايه حنية لا معايا ولا مع العيال حتى دا لو حد من العيال فكر يحضنه ولا ولا يبوسه يديله بالشلوت ويقوم يضربهم، محرج على العيال حد يفكر يحضنه أو يبوسه”.
استكملت «عفاف»: "حتى المصاريف مبيصرفش جنيه وكل ما اجي أقوله عايزة فلوس يقول لي مش معايا، يعني ولا بيصرف ولا بيقول حتى كلمة واحدة مش عارفة أعيش معاه مخلي حياتي مش حياة طبيعية زي بقية الناس خالص".
كره العيال فيه من عمايله
عزمت «عفاف» مرات كثيرة على الانفصال ورفع دعوى طلاق من أجل العيش مستقلة مع أولادها في حياة هادئة سعيدة بعيدا عن الضرب ولكن الأهل كانوا يعترضون على هذا ما جعلها تكمل في حياتها التعيسة على أمل صلاح الأمور ولكن كان كل شيء يزداد تعقيدًا أكثر من قبل، تتابع قائلة: "كنت لما أجي أفكر في الطلاق أقول لا عشان خاطر العيال وكان عندي أمل إن الدنيا هتتبقى أحلى وأقول هيتغير بعد ما العيال يكبروا، بس مكش فيه أي حاجة بتتغير خالص، بالعكس كانت الخناقات والمشاكل بتزيد بينا لحد ما بقت حياتنا متعرفش حاجة عن الفرحة"
نشب الكره في قلوب الأطفال ناحية والدهم بسبب تصرفاته ومعاملته القاسية معهم الخالية من أي حنية هو السبب الذي جهعلها لا تتردد هذه المرة وتلجأ لمحكمة الأسرة من أجل رفع دعوى طلاق، تختتم الزوجة الحديث قائلة: "العيال كرهوه ومبقوش طايقينه بسبب طريقته معاهم، وعلى طول يقولوا مش عايزين نقعد معاه ولا عايزين نشوفه، لما لقيت حياتي أنا والعيال بقت جحيم قلت مبديهاش بقى ولازم أشوف حل للموضوع دا، وأخر ما زهقت رفعت عليه قضية طلاق بقالي 6 شهور ولسه ماشية في الإجراءات".
تابع أحدث الأخبار عبر
