عايدة في محكمة الأسرة: بتعالج نفسيًا بسببه وفي الآخر بيقول عليا مجنونة
حاولت «عايدة» بكل الطرق أن تحافظ على بيتها من أن يخرب أو يتدمر من أجل أبنائها ومن أجل السنين التي عاشتها مع زوجها لا تكون عاشتها هباء، ولكن بائت كل محاولتها بالفشل بسبب زوجها الذي بأفعاله أوصلها لمحكمة الأسرة.
" بتعالج نفسيا بسبب عمايله وفي الأخر بيقول عليا مجنونة" كانت هذه كلمات «عايدة» التي قالتها عن زوجها الذي كان السبب في ألم كبير في حياتها وبدل أن يرعاها ويكون سند لها، كان هو السبب الذي أوصلها للعلاج النفسي أولا لتتعافى مما عاشته معه، وأوصلها لمحكمة الأسرة ثانيا حتى تحصل على حقوقها منه وتعوض نفسها عن السنين التي عاشتها معه.
جواز عن حب
قالت «عايدة»: اتجوزت من 13 سنة وخلفت من جوزي 3 أولاد، ولسه سايباه من شهر بس، مكناش قرايب اتجوزنا جواز عن حب، كل حاجة مع الوقت اتغيرت بعد الجواز بقى كل طريقة تعامله معايا متغيرة، وكل مادى كان بيبقى أسوء.
مبيصرفش غير على القد
تابعت «عايدة»: المشاكل كانت معظمها بسبب المصاريف مبيصرفش غير على القد، كان ممكن اتحمل المشاكل بسبب المصاريف لكنه كان معيشني في بهدلة، إهانة وضرب في البيت وفي الشارع قدام الناس، في الأول كان ضرب خفيف وانا بسكت فبقى بيزيد عليا، كان مبيصرفش لدرجة اننا مبنلاقيش اكل، كنت بشتغل قبل ما اتجوز، وهو قعدني لو مقعدتش يمكن كان يبقى معايا فلوس تكفينا.
بتعالج نفسيا بسبب جوزي
أضافت «عايدة»: اهله كانوا بيقولوا استحمليه مش عاجبك امشي، محدش وقف معايا، بقيت بتعالج نفسيا بسببه وبسبب المعاملة اللي بيعاملهالي، اللي خلاني خلاص تعبت منه وسيبته انه بيقول عليا مجنونة لأني بتعالج نفسي، سيبته وكنت قاعدة في بيت اهلي سنتين، رفعت قضية خلع ولما عرف اني رفعت قضية مشيناها ودي.
مبيسألش في عياله
أنهت «عايدة» كلامها وقالت: مش اغلب الوقت وحش كدة معايا بس كان معظم الوقت معاملته وحشة وانا تعبت منه، ومن ساعة الطلاق بيصرف المصاريف العادية على العيال وبعدين بطل خالص، رفعت قضية نفقة باخد منه النفقة عشان عيالي اللي هو مبيسالش عليهم ولا بيشوفهم احنا أصلا ملناش علاقة بيه دلوقتي.
تابع أحدث الأخبار عبر
