«عينه زايغة».. شروق بدعوى خلع: حفي ورايا عشان يتجوزني ودلوقتي مكمل مع صحبتي
كانت «شروق» مثل العديد من البنات ليس لديها خبرة في العلاقات عندما تقدم لها عريسها، لذلك عندما تمت خطبتها له ظنت إنه حب حياتها الذي ستكمل معه حياتها ولم تتوقع ابدا ان يوصلها في النهاية لمحكمة الأسرة.
دعوى خلع كانت نهاية قصة «شروق» مع زوجها الذي مرت بسببه بمشاكل عدية بعد ما ظنت انه سيكون سندها في الدنيا لكنه منذ دخوله حياتها لم يحمل لها أي خير، فبعد محاولاته العديدة حتى توافق «شروق» على الزواج من وبعد مشاكل عديدة مع الأهل وافقت، ومنذ زواجهم أسقها هو أهله العذاب ألوان في الحياة معه وكانت نهاية الزواج حتمية.
اطلقنا قبل الفرح
قالت «شروق»: جوزي كان جارنا وجواز صالونات، لما اتقدملي كان أول راجل دخل حياتي وافقت عليه واتخطبنا وحبيته، اتخطبنا 8 شهور اتكتب كتابنا شهر واحد بس وبعد كدة اتطلقنا بسبب مشكلة حصلت وأهله صمموا اننا نطلق، المشكلة اللي حصلت كان سببها إن ظروفي كانت على قدي وامي راحت كلمت أهله إن في حجات مش هنقدر نجيبها في الجهاز رفضوا وقالوا يا نجيب الحاجات دي يا إما نطلق واتطلقنا فعلًا قبل ما نعمل فرح حتى، وأنا مكنتش عايزة أسيبه وأطلق لإني بحبه.
خطب صاحبتي وخلاني سيبت خطيبي
أكملت «شروق»: بعد ما سيبنا بعض بفترة خطب صاحبتي، اتصدمت ساعتها، لكن بعد فترة اتقدملي عريس وكان كويس ووافقت عليه، لما عرف إني اتخطبت لحد تاني رجع يكلمني في التليفون ويقول إنه بيحبني وعايز نرجع لبعض اقنعني وانا كنت بحبه وهو كان اول حد حبيته في حياتي سيبت خطيبي و قلتله انا بحب واحد تاني وكان مكتوب كتابنا وكل شئ قسمة ونصيب وهو اتفهم ووافق وسيبنا بعض.
اتغير من ساعة الجواز
أضافت «شروق»: اتجوزنا بعد ما سيبت خطيبي بفترة قليلة، المشاكل بين أهلي وأهله كملت ومن ساعة الجواز وأهله بيعاملوني اسوء معاملة، وهو كمان اتغير ومبقاش زي اﻷول بقى اهانة وبهدلة على أي حاجة عيشت معاه سنتين بس وكانوا أسوء سنتين في عمري.
خطب صاحبتي بعد ما رماني
قالت الزوجة وهي حزينة: المشاكل بين الأهل بقت كل ما يتقابلوا وزادت آخر فترة، لحد ما سيبت البيت بسبب أخر مشكلة مسكني ضربني فيها ومن ساعة ما سيبته مسألش فيا تاني أنه يرجعني، وكنت مستنياه يرجعني لكنه محصلش، واكتشتفت انه اتجوز صاحبتي اللي خطبها عليا زمان، عرفت لما نزلوا صورهم على النت وهي بتبعتلي عشان تعرفني وتغيظني، رفعت عليه قضية خلع أنا خلاص مش عايزة أكمل معاه تاني.
تابع أحدث الأخبار عبر
