«هلففه المحاكم كعب داير».. منى لـ القاضي: ضربني علقة موت عشان أبريه
تعاسة تعيش فيها "منى" من بداية الزواج بسبب زوج همجي لا تعرف كيف تتعامل معه بسبب أسلوبه، ولكنها صبرت لعل الأمور تتحسن في يوم من الأيام، وللأسف كانت الأمور تتعقد مع مرور الوقت ما جعلها تصر على الطلاق ولكن الزوج أراد أنها تمضي له على إبراء والتنازل له عن كل مستحقاتها وعندما رفضت تلقت حصتها من الضرب وجعلها تمضي بالإكراه، وكان أول رد فعل لها بعد إتمام الطلاق هو رفعها لـ قضية نفقة.
بدأت الزوجة تروي قصتها لـ "الحادثة" مؤكدة أن الرجل الذي عرفته قبل الزواج ليس له علاقة بالشخص الذي اكتشفته بعد الزواج، وأكملت قائلة: "في الخطوبة كان واحد تاني خالص، كان حنين وطيب عليا ودي كانت أكتر حاجة عجباني فيه أصلا، بس اللي اكتشفته بعد الجواز غير اللي شفته منه في الخطوبة".
لقيت واحد غير اللي اعرفه
تفاجئت بشخصية جديدة تعيش معها في منزل الزوجية، رجل شديد العصبية لا يعرف أي شيء عن الحنية الذي كان يتميز بها في الخطوبة، ولكنها كانت تحاول التأقلم على الوضع الجديد الذي بمثابة صدمة كبيرة لها ولكن كل محاولاتها فشلت، أضافت: "كنت مصدمة لما شفته على طول عصبي وبيتعامل بطريقة غريبة أول مرة أشوفه وهو بيتعامل كدا، بس كنت بقول دا اكيد عشان لسة بنعرف بعض وعادي وشوية وهنتأقلم، بس كانت معاملته كانت بتزيد وأنا مكنتش عارفة اتأقلم خالص مع طريقته دي".
طلبت الانفصال مرات عديدة عندما وجدت أن هذا أسلوبه في الطبيعي ولكنه في كل مرة كان يحاول أن يقنعها بالتراجع عن قرارها، وبالفعل كانت تتراجع على أمكل أنه يتغير ولكن كان الوضع يزداد سوءً بسبب أسلوبه الهمجي، تستكمل منى قائلة: "بقى دا أسلوبه الطبيعي وأنا مش عارفة اتأقلم خالص عشان كدا كان بيحصل مشاكل كتر اوي طول الوقت، وكنت بغضب كتير وبصمم على الطلاق بس هو كان بيوعدني إن الأمور هتتظبط بس مكنش فيه حاجة بتتظبط، بالعكس كانت الدنيا بتبوظ أكتر من الأول".
اداني علقة موت عشان أبريه
عندما أصرت الزوجة على الطلاق وضعها الزوج في مأزق وأنه يجب عليه إبراءه من كل شيء من أجل إتمام الطلاق وعندما رفضت الزوجة هذا الاتفاق، كان رد فعله عليها أنه ضربها وجعلها تمضي على إبراءه من كل مستحقاتها بالإكراه.
تختتم القصة قائلة: "لما لقيت مفيش فايدة فيه صممت على الطلاق وكان عايزني أبريه من كل حاجة عشان يطلق بس أنا موافقتش، راح ضربني علقة موت وخلاني أمضي بالعافية عشان أبريه، واتطلقنا وخلاص بس حطيته في دماغي وهخليه يلف على المحاكم كعب داير كدا، ورفعت عليه قضية نفقة للعيال".
تابع أحدث الأخبار عبر
