«المخدرات ضيعته».. أميرة في دعوى خلع: كسرلي عضمي عشان عايز فلوس يتكيف
تواجدت «أميرة» في أول عشريناتها في محكمة الأسرة بدلا من أن تتواجد في بيتها مع أسرتها التي حلمت في أن تكونها من بداية حياتها ولكن تحول حلمها لكابوس بسبب زواج لم تريده من البداية.
في ال 19 من عمرها كان أمام «أميرة» الدنيا تنتظرها لتحقق فيها أحلامها، ولكنها أجبرت في هذا السن الصغير أن تتزوج فقط تنفيذا لرغبة أهلها الذي أجبروها على الزواج، وبعد زواجها وجدت نفسها مع زوج قاسي لا يوجد في قلبه أي رحمه وفي النهاية سيطرت المخدرات على وعيه، وهي الآن على أعتاب محكمة الأسرة والدموع في عينيها، تدفع ثمن هذا الزواج بمفردها.
أهلي غصبوني على الجواز
قالت «أميرة»: أنا عندي 26 سنة، واتجوزت وأنا عندي 19 سنة أهلي غصبوني أتجوز وأنا كنت لسه صغيرة ومكنتش عايزة اتجوز، بس اتجوزت ورضيت بنصيبي، وخلفت من جوزي ولد وبنت، ومن ساعة ما اتجوزنا الحياة في الأول كانت كويسة ومفيش مشاكل وكنت فاكرة أن ربنا كرمني بجوزي وبيتي وولادي، لكني كنت غلطانة.
طبعه الضرب بسبب ومن غير سبب
تابعت «أميرة»: بعد فترة من الجواز كان بيضربني ويبهدلني على أي سبب كان حتى لو مفيش مشكلة كان بيضربني جامد ويكسرلي عضمي، بس كنت بتحمل وقلت ده طبعه ومش هعرف اغيره، لحد من 4 سنين بقى بيشرب مخدرات، عرفت لما شوفته بيتعاطاها.
بيخليني اشتغل وياخد الفلوس للمخدرات
أضافت «أميرة»: حاولت معاه كتير إنه يبطل مخدرات لكن مفيش فايدة معاه دايما كان بيرفض وبقى مدمن مخدرات، لحد ما بقى مش بيصرف عليا أنا وولاده، أنا اللي كنت بضطر اشتغل واصرف على البيت والأولاد وفي الأخر بياخد مني فلوسي عشان يجيب بيها المخدرات، ولما أرفض كان بيضربني ويكسر عضمي.
كسرلي رجلي عشان المخدرات
أنهت «أميرة» كلامها وهي الدموع في عينيها: حاولت اسيبه كتير لكنه مكنش بيرضي يطلقني، واهلي مرضيوش يخلوني أطلق وأسيب بيت جوزي، لحد أخر مشكلة ضربني وكسرلي رجلي عشان كان عايز ياخد مني فلوس يجيب بيها مخدرات، تعبت منه ومقدرتش أكمل معاه ودلوقتي سايباه بقالي 7 شهور، وجيت أرفع قضية خلع عشان أخلص منه أنا مش ضامنة ممكن يعمل معايا ايه بعدين.
تابع أحدث الأخبار عبر
