«مطلعش حب حياتي».. نهى بدعوى طلاق: معيشني في سجن أنا والعيال
تزوجت من حب حياتها الذي ظنت أنه يكون سبب سعادتها في حياتها الزوجية ولكنه لم تنل من السعادة إلا 5 سنوات فقط، واصطدمت بعد ذلك بالواقع المرير الذي عانت منه بسبب زوج همجي يتعامل معها هي والأولاد بطريقة لم تتحملها، لذلك توجهت لـ محكمة الأسرة لرفع دعوى طلاق.
مطلعش حب حياتي اللي كنت فاكراه
تستهل نهى حديثها لـ "الحادثة" مؤكدة على أنها تزوجت من الرجل الذي ظنته أنه سيكون شريك حياتها ولكن سريعًا ما اكتشفت أنها مخطئة، وتتابع باقي الحديث وتقول: "بينا قصة حب كبيرة من واحنا صغيرين وكنا احنا الاتنين بنحلم باليوم اللي ربنا هيجمعنا فيه في بي ت واحد، أتقدم لي بعد ماخلصنا كلية واتخطبنا وكانت أحلى فترة في حياتي، مكنش بيزعلني خالص وكل اللي أنا عايزاه بيعملهولي على طول".
تفاجئت الزوجة بشخصية مختلفة تمامًا عن التي كانت تعرفها طوال السنوات الماضية، تابعت نهى: "اتجوزنا وكنت فاكرة إن حياتنا هتبقى أحلى وأحلى، وكانت فعلا حياتنا زي الفل أول 5 سنين من الجواز، بعد كدا معرف إيه الي حصل ولقيت واحد تان ي خالص غر اللي أنا أعرفه"، أضافت: "بعد الخمس سنين دول معرفش إيه اللي حصل، بقا بيتعامل بمعاملة غريبة خالص غير اللي أنا أعرفها، بقى عصبي وبيتخانق كتير على حاجات تافهة".
حابسنا أنا والعيال في البيت
ظنت الزوجة أنها مجرد أسلوب وطريقة طارئة ولكن بدأ يعتمد هذا الأسلوب معها هي والأولاد، وتتطرق الأمر للضرب في أوقات كثيرة سواء لها أو لصغارها، لم تتحمل هذا الوضع كثيرًا ما جعلها تفكر في الانفصال ولكنها تتراجع من أجل أولادها، ولكن كلما كانت تتغاضى في مرة كان يتمادى الزوج في طريقته الهمجية.
تستكمل رواياتها قائلة: "بقى صعب أتعامل معاه في أي حاجة، تعل ى طول عصبي ومش فاهماله حاجة، حتى العيال بقوا يخافوا منه، وصعب معاهم في التعامل، حتى الخروج مانعهم منه، وبقا حابسنا في البيت مش عايزني اخرج لبرا البيت أنا والعيال".
تختتم القصة: "مش عارفة أتعامل معاه أنا والعيال خالص بسبب أسلوبه الهمجي، وبقيت مخنوقة بسبب السجن اللي حابسني فيه أنا والعيال دا، لما الموضوع زاد عن حده مقدراش استحمل ورفعت عليه قضية طلاق عشان أخلص من الخنقة اللي أن عايشة فيها دي".
تابع أحدث الأخبار عبر
