إذا خاصم فجر.. أمنية بدعوى خلع : نزل صوري على المواقع الإباحية عشان طلبت الطلاق
"إذا خاصم فجر" هذه أكثر عبارة تمثل حال أمنية مع زوجها الذي أرادت منه الطلاق بسبب أسلوبه التي لم تتحمله الزوجة ولكنه كان لا يريد تطليقها وعندما تأكد على أنها مصرة على قرارها كان رد فعله صادم للجميع، إذ وضع صورها الخاصة على مواقع مشبوهة، ما جعلها تلجأ لرفع دعوى خلع بدلاً من الطلاق حتى تتخلص منه بأسرع وقت ممكن.
تستهل "أمنية" رواياتها لقاضي المحكمة وتقول: "دخل عليا بالحنجل والمنجل وأنا كنت عبيطة وصدقته وحسيت إنه هو دا الراجل اللي هيصوني ويحافظ علي بسبب تصرفاته معايا وإنه كان بيعمل لي كل اللي أنا عايزاه عشان أرضى عليه بس"، لتكمل لـ "الحادثة" باقي قصتها: "في الأول أنا مكنتش عايزة اتجوز وأنا صغيرة بس لما تعرفت عليه وشفت معاملته معايا حبيته ووافقت اتجوزه، اتخطبنا سنتين عشان هو كان بيجهز نفسه وبعدها اتجوزنا وعينك ما تشوف إلا النور".
فكرته هيعيشني في هنا
ظنت الزوجة أنها تعيش حياة سعيدة يغمرها الأزهار ، ولكن كل هذا كان في الأحلام فقط لأن الواقع كان غير الذي رسمته في خيالها عن شكل الحياة التي تريد أن تعيشها فكان الواقع صادم لها بسبب ما واجهته معه من معاملة وأسلوب مختلفان تمامًا عما شاهدته منه قبل الزواج ، أضافت الزوجة: "لقيت واحد تاني خالص غير اللي أعرفه، بق يزعق ويتخانق طول الوقت وأنا مش فاهمة إيه التغير ده في الأول كنت بقول يمكن أنا اللي مش فاهماه وكنت بحاول اتأقلم بس بصراحة معرفتش خالص بسبب أسلوبه دا".
تستكمل الزوجة: "خناقات طول الوقت بسبب معاملته اللي زي الزفت دي وكنت بسيب اليت كتير بس أهلي كانوا يقولوا انتوا لسه في الأول ولسه بتعرفوا بعض، وكنت برجع كل مرة بس أخر مرة خلاص كنت جبت أخري ومقدرتش أرجع تاني وطلبت منه الطلاق".
نزل صوري على مواقع مشبوهة
أصرت أمنية على الطلاق بسبب معاملة زوجها التي لم تقدر على تحملها أكثر من ذلك، فكان رده غير متوقع بالمرة بالنسبة لها، ما زالت تروي قصتها: "كلمني كتير عشان يرجعني بس أنا كنت مصممة على الطلاق ولم عرف أنى مصممة ومش راضية ارجع له راح منزل صوري على مواقع مشبوهة كنت مصدومة ومكنتش متخيلة إنه يعمل فيا كدا أبدًا"، أرادت رفع دعوى خلع بدلاً من دعوى الطلاق بعد ما رأت منه هذا التصرف الغير متوقع.
تابع أحدث الأخبار عبر
