«دلوع العيلة».. دعاء تطلب الطلاق: زوجي عاطل ولسه بياخد مصروف من أبوه
ظنت "دعاء" أن يوقعها الحظ في رجل بمعني الكلمة يكون مسئول عنها هي وأولادها مسئولية كاملة، ولكن الذي حدث عكس ذلك ووجدت نفسها مع زوج لا يعرف كيف يدير المنزل وفشل في تغطية مصاريف منزله بسبب تكاسله عن العمل وأصبح معتمد على أهله في الإنفاق عليها هي وابنها، وكان هذا السبب الذي جعلها تعرف طريق محكمة الأسرة لرفع دعوى طلاق ضده.
في أول الجواز الدنيا كانت ماشية كويس
خاب ظنها في السنة الثالثة من الزواج بسبب الزوج الذي قرر التكاسل عن العمل وأخذ مصروف من والده، تستهل الزوجة الحديث للقاضي وتقول: “في أول الجواز كان هو اللي متكفل كل المصاريف عادي والأمور ماشية في شغله عادي، والدنيا ماشية في الدنيا ومبسوطين ومرتبه كان ممشينا كويس أوي كمان”.
تابعت: "فضلنا على الحال دا سنتين تلاتة وفجأة لقيته مرة واحدة بيقولي أنا مش نازل الشغل تاني، استغربت وقلت أكيد مش هيعمل كدا بس عمل كدا بجد للأسف".
قعد من الشغل وبقى ياخد مصروف من أبوه
بدأت المشكلات والخلافات تسكن المنزل بسبب تكاسل الزوج عن العمل، ظنت في البداية انها تكون فترة مؤقتة ولكن في الحقيقة أنه تعود على جلوسه في المنزل بلا عمل واعتمد على المصروف الذي يأخذه من والده كل شهر.
تستكمل الزوجة رواياتها: “كان معانا أحمد عنده سنة، وقعدت أقنع فيه إنه مينفعش يعمل كدا والمصاريف كتيرة ولازم تنزل الشغل تاني بس هو ولا هنا، ومش فارق معاه الكلام اللي بقوله خالص”.
أضافت: "بقى ينزل الشغل يوم عشان يريحني ويقعد بعدها عشرة، وأهله لما شافوه كدا بدل ما يقولوا له عيب لازم تنزل شغل عشان بيتك وابنك، محدش أتكلم بالعكس بقى يدولوا مصروف عشان يمشي بيه الدنيا بدل ما ينزل شغله زي بقية الرجالة".
رفع دعوى طلاق
حاولت الزوجة معه أكثر من مرة ولكن في كل مرة كانت المحاولات تفشل فشل ذريع، تنهى دعاء حديثها: "أهله مدلعينه وأنا مبحبش الدلع، بقا قاعد لي في البيت 24 ساعة وبيصرف علينا من المصروف اللي بياخده من غير ما يتكسف على دمه، حاولت معاه مرة واتنين بس هو دلوع بابا وماما مش عايز بهدلة، روحت سبته لأمه بقى ورفعت عليه قضية طلاق".
تابع أحدث الأخبار عبر
