"دماغه لسعت".. سمية بدعوى طلاق: بيسرق الزرع اللي في مدخل العمارة
حاصرت المشكلات والخلافات عش الزوجية من جميع الجهات بعدما كان ينعم بالسعادة الغامرة التي استمرت لأكثر من 15 عام، فكان السبب وراء كل هذه المشكلات هو الزوج الذي لجأ لطريق الإدمان ما أدي لتغير حياتهما بشكل كلي، تصرفات غريبة تحملتها الزوجة في البداية ولكن الامر ازداد سوءً ووصلت شكوات بالكوم لها عن تصرفات الزوج الذي وصلت لحد سرقة الزرع المتواجد في مدخل العمارة.
قررت الزوجة إنهاء حياتها الزوجية عن طريق إقامتها لـ دعوى طلاق بعد ما أدركت أن هذا الأصلح لها هي وأبناءها، وتستهل حديثها قائلة: "كل الناس كانت بتحسدنا بسبب جوزي اللي مكنش بيخلينا محتاجين أي حاجة، ومعروف إنه راجل بيضرب بيه المثل بصراحة وفضلت حياتنا كويسة جدًا بس معرفش إيه اللي حصل بعد كدا".
صحابه جروه للكيف
تصرفات غريبة لاحظتها من زوجها لم تجد لها مبرر وبعد فترة أدركت أنه عرف طريق المخدرات وهذا الذي غيره بهذه الطريقة، كانت هذه هي بداية المشكلات الحقيقة بينهما بعد ما كان ينعم عش الزوجية بسعادة غامرة أصبح لا يعرف أي شيء سوى الخلافات والمشكلات، تابعت سمية حديثها: "بقالنا 15 سنة متجوزين، وعايشين مبسوطين ومستورين الحمدلله بس فجأة لقيت واحد تاني خالص معايا، طريقته اتغيرت معايا في كل حاجة وبقيت أحس إنه مش فيوعيه ومش مركز على طول مع أي حاجة بكلمه فيها".
بعد فترة عرفت السبب وراء عدم تركيزه فكان السبب غير متوقع بالنسبة لها لأنها تعرف زوجها جيدًا، تستكمل رواياتها قائلة: "عرفت إنه عرف طريق المخدرات بسبب صحاب السوء اللي بقا يقعد معاهم على طول، كلمته وحاولت أقنعه إنه لازم يبطل عشان عيالنا بس هو ولا هنا مش فارق معاه أي حاجة أصلا، وفي دنيا تانية مش معايا"،
بيسرق الزرع اللي في باب العمارة
بدأت المشكلات تتصاعد وتأخذ حيز كبير من حياتهما بسبب إدمان الزوج الذي كان السبب في تغيير شكل حياتهما بطريقة كلية، تابعت سمية: "طبعا مبقاش في فلوس لأنها على طول ضايعة على المخدرات، نزلت اشتغل عشان اعرف اصرف على العيال، كنت مستحملة على امل إنه يتغير بس للأسف مفيش حاجة اتغيرت، بالعكس المشاكل زادت والجيران بقوا يشتكوا منه سبب إنه بقى يسرق الزرع اللي في باب العمارة".
أضافت الزوجة: "مشاكل ملهاش أول ولا اخر من ساعة ما عرف القرف دا اللي بيشربه، في الأول كان عندي أمل إن الوضع يتغير وإنه شوية ويبطل بس كان الوضع بيزيد ومبقتش عارفة اتعامل معاه أصلا، وبقا مجنون خالص"، قررت الزوجة الانفصال والفرار من حياتها الذي دمرها الزوج بسبب إدمانه المفرط وأسرعت نحو محكمة الأسرة لرفع دعوى طلاق ضده منذ شهرين.
تابع أحدث الأخبار عبر
