أمينة في محكمة اﻷسرة: صحاب جوزي المتوفي سابوا بنتي القاصر تسدد ديونهم
تواجد في محكمة اﻷسرة اليوم قضية مختلفة عن معظم القضايا في المحكمة فلم تكن «أمينة» تبحث عن حقوق بنتها من زوجها مثل معظم السيدات في محكمة اﻷسرة لكن تبحث عن حق ابنتها بعد ما سرقت من ناس غريبة عماها الطمع.
بعد وفاة زوج أمينة كانت صدمة كبيرة عليها وعلى ابنتها، وكان حلم «أمينة» أن تربي ابنتها تربية حسنة وتعوضها عما حدث معها في حياتها، ولكن ما واجهته اﻷم وابنتها هو غدر وطمع البشر، فعندما توجهت اﻷم في يوم للبنك لتصرف أموال لها و لابنتها وجدت أن كل الأموال في حسابها تم أخذها، وبعد حيرة وتعب شديد وصلت السبل ب «أمينة» لمحكمة اﻷسرة وهي تبحث عن حق ابنتها المسروق.
جوزي مات سابني أنا وبنتي فجأة
قالت أمينة: زوجي اتوفى من 3 سنين، كان دكتور ومحترم وعندي منه بنت عندها 17 سنة دلوقتي، اتوفى فجأة مكنش عيان أو أي حاجة، كانت صدمة كبيرة ليا أنا وبنتي لكن وقفت على رجلي عشان خاطرها وعشان خاطر أقدر أربيها.
رحت أجيب فلوس من البنك قالولي متقدريش تسحبي من فلوسك
تابعت أمينة: لحد من قريب رحت البنك عشان أسحب فلوس لقيت إني مقدرش أسحب فلوس من حسابي أو حساب بنتي واتحجز على كل فلوسنا، لما سألت اكتشتفت أن كان في مشروع جوزي كان عاملة قبل ما يتوفى مع 3 شركاء صحابه والمشروع فشل، وأصحاب المكان عاوزين اﻹيجار ومحدش بيدفعه ورفعوا قضية وخدوا الفلوس من حساب بنتي، كل ده وأنا معرفش
الشركاء اللي كانوا صحاب جوزي كلهم هربوا وسابوا بنتي
أضافت أمينة: الشركاء كانوا صحاب جوزي المشروع متعملش حتى، كانوا 3 شركاء وجوزي ولما جوزي اتوفى بقى نغس ال3 شركاء وبنتي شركاء في المشروع، التلاتة حاولت اتواصل معاهم عشان يدفعوا الدين بدل بنتي رفضوا وكل واحد فيهم اتحجج بحجه وهربوا وسابوا بنتي تسدد دينهم، المدعيين رفعوا أنهم ياخدوا فلوس بنتي لأنها قاصر من النيابة الحسبية وأنا أمها مقدرش أوصل فلوسها، دلوقتي جيت عشان اخد حق بنتي اللي سرقوه ومحدش فكر أنها بنت ويتيمة.
تابع أحدث الأخبار عبر
