«مصانش العشرة».. نجلاء في دعوى نفقة: أول ما فتحتله مشروع طلقني
زوجة أصيلة تساعد زوجها في كل مصروفات المنزل من الشهور الأولى في الزواج لم تشتكي، حتى كانت تنفق نصف مرتبها على احتياجات المنزل والنص الأخر تدخره وبعد فترة وجدت أنه معه مبلغ جيد من المال اقترحت عليه فتح مشروع، وبعد كل هذه المساعدات كانت مكافأتها هي الطلاق، لم تصدق نفسها ولكنها لا تجد أي شيء تفعله بين يديها.
نجلاء في دعوى نفقة: أول ما فتحتله مشروع طلقني
"اتجوزته وهو على قده ومكنش عندي مشكلة، اشتغلت بعد كام شهر من الجواز عشان اساعده في المصاريف، وكان اليوم اللي مكنش معاه فلوس أنا اللي كنت بصرف"، بهذه العبارة بدأت نجلاء حديثها لقاضي المحكمة، واستكملت قائلة: "فضلنا مكملين على الحال دا وأنا مكنتش مضايقانى خالص إني بساعده وكانت الدنيا ماشية تمام وهو معاملته معايا كانت كويسة جدًا وكنا الحمدلله الدنيا جميلة ومفيش أي مشاكل خالص".
فتحت له مشروع
وجدت الزوجة أنها ادخرت مبلغ من المبالغ لا بأس به ولذلك طلبت منه فتح مشروع حتى يكون لديه عمل خاص به يساعده على تحسين حالتهم المادية، وافق الزوج وبدأت في تجهيزات المشروع، وبدأت عيشتهم تتحسن، "المرتب اللي كنت بخده كنت بحوش نصه واصرف نصه على البيت، وبعد فترة بقى معايا مبلغ كويس وقلت له هفتحلك مشروع، وفتحتله عربية كدا يعمل عليها قهوة وشاي والدنيا بقت أحلى من الأول بكتير بس بدأت ألاحظ تغير في معاملته معايا".
بعد ما وقفت جمبه طلقني
لاحظت تغير معاملته معها بعد المشروع ولكنها كانت تتغاضى عن المشكلات، تمادى الزوج في أسلوبه الذي جعله تتأكد من وجود شيء وراء تصرفاته المتغيرة، تابعت: “مكنتش بركز خالص على المشاكل اللي كان بيعملها بس لما الموضوع زاد بدأت أشك إن أكيد في حاجة بس مش عارفة إيه هي، فضل مكمل في أسلوبه دا لحد ما لقيته جه بيقول لي إنتي طالق”.
أضافت نجلاء: "مصدقتش إنه قدر يقولها ومكنتش مستوعبة اللي بيقوله خالص، خدت العيال ورحت عند أهلي وطلبت منه مصاريف للعيال قال لي أنا مليش دعوى مش هصرف على حد، قلت مبدهاش بقى لازم أرفع عليه قضية نفقة".
تابع أحدث الأخبار عبر
