حنان في دعوى خلع: عامل الشقة غُرزة ومخلي العيال تحشش معاه
زوجة مسئولة مسئولية كاملة عن كل شيء يخص المنزل والأولاد بعدما فقدت الأمل في زوجها الذي من المفترض أن يكون سندها، ولكنه شق طريق الإدمان من بداية الزواج فصبرت على أمل أنه يتوقف عن إدمانه وظلت تحاول معه 15 عام بالكامل ولكن لا يوجد أي جدوى ما جعلها تلتفت لأولاده فقط.
حنان في دعوى خلع: عامل الشقة غُرزة ومخلي العيال تحشش معاه
كانت دعوى الخلع هي الحل بعد ما وجدت أنه يعمل على ضياع الأولاد معه، بدأت حنان تروي لنا تفاصيل روايتها قائلة: “من زمان وأنا عايشه معاه في قرف بس الحشيش والبودرة اللي بيشربهم دول، ومبيعملش حاجة غير إنه قاعد في البيت بيشرب القرف بتاعه دا”.
تستكمل: "في الأول كن بتخانق معاه كتير عشان ينزل يشتغل بس بعدين فقدت الأمل فيه وسيبته وأنا اللي بقيت شايله البيت كله وبصرف على العيال وعليه ومبيعملش حاجة غير يا إما نايم في البيت او قاعد في القهوة مبيعملش حاجة غير كدا".
بقالي 15 سنة بحاول معاه يبطل المخدرات
لم تعترض حنان على نصيبها وقررت التعايش معه والالتفات لأولاده فقط، فكانت هي الأب والأم في الوقت ذاته أما عن الزوج فهو لا يفعل أي شيء سوى نومه في المنزل أو جلوسه على المقاهي لا شيء أخر، كان أهم شيء تفكر فيه الزوجة أن أولادها لا تعرف شيء عن الذي يفعله والدهم.
ما زالت تكمل رواياتها قائلة: "كان أهم حاجة عندي إني أخلي العيال بعيد عنه وعن الحاجات اللي بيبلبعها دي، وكنت مركزة بس على تربية العيال، وفقدت فيه الأمل خلاص إنه يتعدل بعد 15 سنة بحاول معاه وبرضو مش نافع".
قالب البيت غرزة
تستكمل الزوجة الحديث قائلاً: “مكنش عندي مشكلة يعمل اللي يعمله هو حر بس يبقى بعيد عن العيال، بس في يوم كنت راجعة من الشغل ولقيته قالب البيت غرزة ولامم حواليه العيال ومخلي ابننا الكبير يحشش معاه، شفت المنظر مقدرتش أمسك نفسي”.
أضافت: "اتخنقت معاه خناقة لرب السما وخدت العيال ومشيت ورفع عليه قضية خلع، أنا مش مستغنية عن أي عيل من العيال ويا عالم لو سبتهم معاه تاني لوحدهم ممكن يعمل فيهم إيه تاني".
تابع أحدث الأخبار عبر
