«كتفوني وضربوني».. أميرة: أبوه وأمه واقفين لي على الواحدة من أول أسبوع
أسباب كثيرة تؤدي لخراب عش الزوجية من ضمنها تدخل الأهل بأي شكل من الأشكال في حياتهما فيكون هذا سبب كافي لدمار العلاقة، وهذا ما حدث مع "أميرة" من الأسبوع الأول في الزواج عندما وجدت معاملة مختلفة من أهله، حاولت أن تحتوي الموقف مع كل مشكلة وتفهم سبب التغير وكانت نتيجة تغاضيها عن معاملتهم هي ضربها من قبل والده ووالدته.
حياة مليئة بالقهر عاشتها أميرة من أول أسبوع في الزواج بسبب معاملته أهله لها، تغاضت فيها مرات كثيرة لتحافظ على منزلها ولكن تصاعد الأمور جعلها تدرك أن الانفصال الحتمي هو لحل لها، تبدأ حديثها لـ "الحادثة": "جه أتقدم لي وأنا كنت أعرفه وأعرف أهله عشان إحنا من نفس البلد وكان معروف عنهم إنهم عيلة محترمة وكويسة، دا اللي خلاني أوافق عليه واتخطبنا وطول فترة الخطوبة وهو كويس معايا ومبيخلينيش عايزة أي حاجة خالص، حتى أمه وأبوه معاملتهم معايا كويسة جدًا وحبيتهم من تعاملهم معايا".
من ساعة ما اتجوزت وأمه وأبوه قالبين عليا
أضافت: "قلت الحمدلله إن ربنا رزقني بعيلة زي دي بس معرفش إيه اللي حصل بعد الجواز ومبقوش طايقين ليا أي كلمة ومن أول أسبوع في الجواز ومعاملة أمه اتغيرت كمعايا خالص وشفت معاملة غير اللي شوفتها في الخطوبة خالص"، حاولت أميرة أن تحتوي الموقف وتفهم سبب تغيرهم معها في المعاملة ولكنها لا تجد أي سبب وراء معاملة أهله.
تستكمل باقي قصتها قائلة: "أمه بقت تقف لي على الواحدة وعلى طول مش طايقة لي كلمة، كل شوية تتخانق معايا على حاجات هبلة في الأول كنت بعدي وأقول مينفعش أرد عليها بس خلاص لما لقيت الموضوع زاد وهي بقت تشتمني بألفاظ مش كويسة بدأت أتكلم أنا كمان وتحصل مشاكل دا غير كمان إنها تقول نعمل إيه ومنعملش إيه".
أهله كتفوني وضربوني
فكرت الزوجة في الانفصال عدة مرات بسبب معاملة وأهله معه ولكن في كل مرة كانت تتراجع بسبب زوجها الذي يعدها بأنها تكون المشكلة الأخيرة ولكن لم يحدث أي شيء سوى المشكلات التي تفتعلها والدته على أتفه الأسباب، تابعت: "مشاكل ليل ونهار بسبب أمه اللي بتدور على أي حاجة عشان تتخانق معايا دا غير الشتايم اللي كل شوية بتشتمهالي، في يوم جوزي نزل الشغل ولقيت أمه وأبوه داخلين عليا الشقة ومن غير ما أتكلم لقيتهم كتفوني وقعدوا يضربوا فيا".
تنهى قصتها بهذه الكلمات: "أهلي لما شاوني اتهانت كدا خدوني وكانوا مصممين على الطلاق أكتر مني، روحت فعلاً رفعت قضية طلاق عشان أخلص من الحياة اللي كلها ذل دي"، قررت الزوجة عدم التغاضي هذه المرة واللجوء لـ محكمة الأسرة لـ إقامة دعوى طلاق.
تابع أحدث الأخبار عبر
