آية في دعوى طلاق: "أخوه حاطط عينه عليا وبيعاكسني في الطالعة والنازلة"
تزوجت «آية» من رجل صالح توسمت فيه كل الخير وفي حياتها التي ظنت أنها ستمتلئ بالسعادة والهنا ولكن الحقيقة أن حياتهما امتلئت بالتدخل والتسلط المشتمر من أهل الزوج الذي أدى لنشوب مشكلات كثيرة ومع ذلك كانت تتغاضى عنها من أجل استمرار حياتها الزوجية، ولكن الذي جعل الزوجة تفكر في الانفصال الحتمي هو تمادي شقيق الزوج في تصرفاته معها ما دفعها تلجأ لدعوى طلاق.
أمه مبوظة حياتنا
"أهله كلهم بيتدخلوا في كل حاجة في حياتنا" هذه الكلمات التى بدأت بها "آية" حديثها مؤكدة على حدوث المشكلات المستمرة بسبب تدخل أهل الزوج في كل الأمور بينهما، وتابعت: "كنا متفقين إننا هنقعد في شقة لوحدنا بس في نص الخطوبة قال لي احنا هنقعد عندنا في بيت العيلة، في الأول أنا مكنتش عايزة أقعد في بيت عيلة عشان عارفة المشاكل".
أضافت: "اتجوزنا وقعدنا مع اهله والشاكل بدأت من أول شهر بسبب أمه اللي بتتدخل في كل حاجة وعمالة تتخانق معايا في الرايحة والجاية، كلمته كتير وقلت له على اللي أمه بتعمله قال لا هي مش قصدها".
أكملت حديثها: "حصلت خناقات كتير بينا وسبت البيت كتير وفي كل مرة يقول لي خلاص حقك علياومش هخليها تكلمك تاني وارجي، وأنا كل مرة كنت برجع عشان بنتي بس اللي حصل أخر مرة مكنش ينفع أعديه".
أخوه بيعاكسني في الطالعة والنازلة
تغاضت آية عن كل تصرفات والدة زوجها من أجل استمرار الحياة الزوجية بينهما، والذي جعل الزوجة تفكر في خطوة الانفصال بطريقة جدية هي حديث شقيق الزوج بطريقة غير لائقة وسلوكه الغير أخلاقية معها ما جعلها تترك المنزل بلا رجعة، أضافت الزوجة: " كل مرة كان بيحصل مشاكل بسبب أمه تصرفاتها معيا وكان بيحاول يرجعني كنت بوافق عادي عشان مخربش البيت عشان بنتي بس لقيت اخوه بقا يتعامل معيا بطريقة غريبة أنا مش فاهماها وعلى طول بيستناني على السلم ويقعد يعاكسني".
أنهت آية قصتها: "في الأول مكنتش عايزة أعمل مشاكل بس لما لقيت الموضوع زتد أوي وبقا علىطول يتعامل معايا كدا سبت البيت ورفعت قضية طلاق على جوزي عشان أخلص من البيت دا".
تابع أحدث الأخبار عبر
