هبه بدعوى خلع: صاحبتي عايرتني عشان هو قصير وفي الآخر اتجوزته
انقلبت حياة "هبه" رأسًا على عقب بمجرد أن خطت صديقتها في حياتها، مشادات مستمرة بينها وبين زوجها بعد ما كان البيت ينعم بالاستقرار، كانت تحكي لها كل شيء عن حياتها حتى المشكلات التي كانت تحدث بينها وبين زوجها، أعطتها الأمان لتعرف كل أسرارها وفي النهاية غدرت بها وبصداقتهما وقررت الزواج منه زوج صديقتها.
حياتي باظت من ساعة ما صاحبتي دخلت حياتنا
صدمة العمر في زوجها الخائن وصديقتها التي استأمنتها على أسرار بيتها، فكانت هذه الصدمة التي جعلتها تلجأ لـ محكمة الأسرة على الفور لإقامة دعوى خلع، تستهل هبه رواياتها قائلة: “كنا عايشين زي الفل أنا وجوزي بقالنا أكتر من عشر سنين من غير أي مشاكل أو أي حاجة بس من ساعة ما صاحبتي دخلت في حياتنا وكل حاجة باظت، بقينا بنتخانق كل يوم تقريبًا”.
تابعت: "في الأول كنت بقول دي صاحبتي أكيد مش هتعملي حاجة وحشة وكنت واثقة فىيها ثقة عمياء وبحكيلها كل حاجة ولو كان في مشكلة بيني وبين جوزي كنت بحكيلها برضو، وكانت تقعد تقول لي دا مبيحبيكيش وأنا كنت بمشي وراها عشان كدا كنا بنتخانق كتير".
كانت بتعايرني عشان جوزي قصير وفي الآخر اتجوزته
عندما تصاعدت المشكلات بدأت الزوجة تشعر بأنه يوجد شيء غير طبيعي بسبب تصرفات زوجها وصديقتها ما تفعها تفتش وراء الأمر، ما زالت هبه مستمرة في رواياتها وتكمل: “لما بقينا نتخانق كتير بدأت أقول أكيد في حاجة غلط، بس كنت بقول صاحبتي برضوا أكيد مش هتعمل فيا حاجة بس لما معاملتها اتغيرت معايا بدأت أحس إن في حاجة غلط بس مكنتش عارفة إيه هي”.
أضافت: "مسكت موبايله لقيتها بعتاله انت فين ولما دخلت الشات لقيت فيه بينهم كلام من زمان وأنا مش عارفة، ولما قلبت في الشات أكتر عرفت إنهم متجوزين بقالهم فترة، ومكنتش قادرة اصدق اللي شوفته عشان هي كانت بتقعد تطلع عيوب فيه وتقول لي دا قصير إنتي ازاي متجوزاه وهو قصير كدا، وفي الأخر اتجوزت القصير اللي كانت بتتريق عليه"، توجهت لـ محكمة الأسرة على الفور لتنقذ نفسها من زوجها الخائن و أقامت دعوى خلع لا تريد منه اي شيء سوى أن تتركه.
تابع أحدث الأخبار عبر
