"بيتلكك عشان يضربني".. وفاء: "رمى الأكل في وشي عشان ناقص صلصة"
حياة مهينة يعتريها الضرب والإهانة تحملتها “وفاء” لمدة 16 عام، لم تكل ولم تمل من أجل أولادها، لم تفكر الزوجة مرة من المرات في طلب الانفصال رغم تعرضها ليلاً نهارًا للإهانة حتى تحافظ على بيتها لأطول فترة ممكنة، ومن ناحية أخرى كانت الزوجة كلها أمل في تغير الزوج معها، ولكن كان كل التغيير للأسوأ.
"صابرة ومستحملة بقالي 16 سنة، وعشان خاطر عيالي اللي مش عاملهم أي اعتبار، من أول شهر في الجواز وهو معاملته معايا زي الزفت، مبيتعاملش غير بالضرب والشتيمة وطول الوقت قلة ادب"، هكذا استهلت وفاء حديثها لـ "الحادثة" مؤكدة على أن زواجها تم خلال شهرين فقط، فكانت ليس على علم كافي بالشخص التي تشارك معه حياتها، تابعت: "لسانة ميعرفش الكلمة الحلوة، على طول قلة أدب وعلى أي حاجة بسيطة يعملها خناقة كبيرة عشان يقوم يضربني، صابرة ومستحملة عشان خاطر العيال ومجاش في بالي ولا مرة إني أطلب الطلاق عشان خاطر العيال".
رمي الأكل في وشي عشان ناقص صلصة
كانت وفاء دائما على أمل بأن حياتها تغير في يوم من الأيام ولكن ولم يحدث شيء جديد سوى أنه يتمادى في إهانتها وضربها أمام الأولاد، تستكمل الزوجة الحديث: "مكنتش ببقى ةعايزة اعرف أهلي بالمشاكل اللي بينا عشان متكبرش وكنت بحط في نفسي وبسكت بس هو مع الوقت كان بيزيد في قلة أدبه وضربه ليا، حتى كمان بعد ما العيال كبروا بقى بيضربني قدامهم ومش فارق معاه أي حاجة"، أضافت: "عدت سنة واتنين وهو لسة زي ما هو، على أي حاجة ضرب وشتيمة، في مرة كن جيباله الأكل وكان ناقص شوية صلصلة، لقيته رمى الأكل في ووشي وضربني، وهو كدا على أي حاجة متعجبهوش".
إقامة دعوى خلع
استمر هذا الحال لسنوات طويلة ولم يتغير الزوج في عاملته المهينة لها أمام الأولاد ما دفعها تتخذ قرار الانفصال ورفع دعوى خلع لتتخلص من هذه الحياة المهينة بعد 16 عام عاشتهم في تعاسة، تابعت وفاء: "حياتي ضاعت معاه وهو مبيتغيرش ابدًا، مقدرتش استحمل اشوف عيالي بيشوفوني كل يوم بتضرب قدامهم، روحت رفعت قضية خلع عشان اهرب منه واخلص من الحياة اللي أنا عايشاها دي، ولسة القضية شغالة دلوقتي".
تابع أحدث الأخبار عبر
